ରାଜଗାଙ୍ଗପୁର : (ମନୋଜ ଭୋଳ) ସୁନ୍ଦର ଗଡ଼ ଜିଲ୍ଲା ରାଜଗାଙ୍ଗପୁର ସହରର କଂଗ୍ରେସ ଭବନରେ ଆଜି ଯୁବ କଂଗ୍ରେସ ର 61 ତମ ପ୍ରତିଷ୍ଠା ଦିବସ ପାଳିତ ହୋଇ ଯାଇଛି । ଏହି ଅବସର ରେ କଂଗ୍ରେସ ଭବନ ସମ୍ମୁଖରେ ଦଳୀୟ ପତକା ଉତୋଳନ କରାଯିବା ସହ ଜାତୀୟ ସଂଗୀତ ଗାନ କରାଯାଇଥିଲା । 61 ତମ ପ୍ରତିଷ୍ଠା ଦିବସ ରେ ଓଡିଶା ୟୁଥ କଂଗ୍ରେସ ପ୍ରଭାରୀ ରିଆଜୁଲ ଆନସାରୀ ମୁଖ୍ୟ ଅତିଥି ରୂପେ ଯୋଗ ଦେଇଥିବା ବେଳେ ତାଙ୍କ ଦ୍ୱାରା କଂଗ୍ରେସ କାର୍ଯ୍ୟାଳୟ ସମ୍ମୁଖରେ ରେ ଦଳୀୟ ପତକା ଉତୋଳନ କରାଯାଇଥିଲା ଏହା ପରେ କାର୍ଯ୍ୟାଳୟ ରେ ଏକ ସଭା ର ଆୟୋଜନ କରାଯାଇଥିଲା । ଏହି ସଭା ରେ ୟୁଥ କଂଗ୍ରେସ ର ଲୋକ ଅଭିମୁଖୀ କାର୍ଯ୍ୟ, କରୋନା ମହାମାରୀ ସମୟ ର କାର୍ଯ୍ୟ ଓ ବିଭିନ୍ନ ମହଲ ରେ ଯୁବ କଂଗ୍ରେସ ର କାର୍ଯ୍ୟ କୁ ପ୍ରଶଂସା କରାଯିବ ସହ, ସରକାର ଙ୍କ କଳା ନୀତି କୁ ବିରୋଧ ଓ ଆଗାମୀ ଦିନରେ ଲୋକଙ୍କ ହକ ପାଇଁ ୟୁଥ କଂଗ୍ରେସ କିଭଳି କାର୍ଯ୍ୟ କରିବ ସେ ନେଇ ଆଲୋଚନା କରାଯାଇଥିଲା । ସୁନ୍ଦର ଗଡ଼ ଜିଲ୍ଲା ୟୁଥ କଂଗ୍ରେସ ସଭାପତି ଅଲବଟ କିଣ୍ଡୋ, ଜାତୀୟ କଂଗ୍ରେସ ଜେନେରାଲ ସେକ୍ରେଟାରୀ ରିୟାସ ଅହମଦ ଓ ଅନ୍ୟାନ ଦଳୀୟ ନେତା ଉପସ୍ଥିତ ଥିବା ବେଳେ ଦଳୀୟ ସ୍ଲୋଗାନ ରେ କାର୍ଯ୍ୟାଳୟ ପ୍ରକମ୍ପିତ ହୋଇଥିଲା । ଏହି ଅବସର ରେ ୟୁଥ କଂଗ୍ରେସ ଟାଉନ ସଭାପତି ଶୁଭ୍ରାଂଶୁ ସାହୁ, କଂଗ୍ରେସ ଭାଇସ ପ୍ରେସିଡେଣ୍ଟ ଦିପୁ ବିନୋଦ ଓ ଅନ୍ୟାନ କର୍ମୀ ମାନେ ସହଯୋଗ କରିବା ସହ ଏହି ପ୍ରତିଷ୍ଠା ଦିବସ ର କାର୍ଯ୍ୟ ତୁଲାଇ ଥିଲେ ।
