ଗୁଣପୁର,୨୯/୦୫(ସିଦ୍ଧାର୍ଥ ଦାସ)- କରୋନା ମହାମାରୀ ରୁ ରକ୍ଷା ପାଇବା ନିମନ୍ତେ ବିଶେଷ କରି ଗ୍ରାମାଞ୍ଚଳ ମାନଙ୍କ ରେ ସଂକ୍ରମଣ ରୁ ରକ୍ଷା ପାଇବା ନିମନ୍ତେ ପ୍ରଥମ ଓ ଦ୍ବିତୀୟ ପର୍ଯ୍ୟାୟରେ ମୁଖ୍ୟମନ୍ତ୍ରୀ ସରପଞ୍ଚ ମାନଙ୍କୁ ଜିଲ୍ଲାପାଳ କ୍ଷମତା ଦେଇଥିବା ବେଳେ ଓଡ଼ିଶାର ବିଭିନ୍ନ ସ୍ଥାନ ରୁ ବିଭିନ୍ନ ପ୍ରତିକ୍ରିୟା ମାନ ସାମ୍ନାକୁ ଆସୁଛି । ଏଭଳି ଗୁଣପୁର ପଞ୍ଚାୟତ ସମିତି ର ଜଗନ୍ନାଥପୁର ପଞ୍ଚାୟତରେ ଦୁଇ ଦୁଇ ଥର ନିର୍ବାଚନ ରେ ଜିତିଥିବା ସରପଞ୍ଚ ଗୌରୀ ଗମାଙ୍ଗ ଏକ ସଙ୍ଗୀନ ଅଭିଯୋଗ ଆଣି ଉନ୍ନତି ମୂଳକ କାର୍ଯ୍ୟରେ ବଡ଼ବାବୁ ଙ୍କ ହାକିମ ମାନିବା କିନ୍ତୁ କରୋନା ସମୟରେ ସରପଞ୍ଚ ହେବେ ଜିଲ୍ଲାପାଳ ; ମୁଖ୍ୟମନ୍ତ୍ରୀ ଙ୍କ ନିର୍ଦ୍ଦେଶ ଏକ ଧୂଆଁ ବାଣ କି…? ବୋଲି ପ୍ରଶ୍ନ ଉଠାଇଛନ୍ତି । ସରକାରଙ୍କ ସମସ୍ତ କାର୍ଯ୍ୟକ୍ରମ ରେ ସହଯୋଗ କରି ଜଗନ୍ନାଥପୁର ପଞ୍ଚାୟତ ସରକାରଙ୍କ ପିଠା ଭଳି କାର୍ଯ୍ୟକ୍ରମରେ ପ୍ରଥମ ସ୍ଥାନ ଅଧିକାର କରିଥିବା ପରେ ମଧ୍ୟ ବିଭିନ୍ନ ଉନ୍ନତି ମୂଳକ କାର୍ଯ୍ୟକ୍ରମ ରେ ଓ ସରକାରୀ ପତ୍ରାଳାପ , ନିର୍ଦ୍ଦେଶାନାମା ଲାଗୁକରିବା ଇତ୍ୟାଦି ରେ ସବୁବେଳେ ସରପଞ୍ଚ ଙ୍କୁ ହତାଦର କରାଯାଇଛି । ସମିତି ଓ ପଞ୍ଚାୟତ ର ବିଭିନ୍ନ ଉନ୍ନୟନ ମୂଳକ କାର୍ଯ୍ୟକ୍ରମ ରେ ପଞ୍ଚାୟତ ଓ ସମିତି ମଧ୍ୟରେ ସମନ୍ବୟ ରଖାଯାଇ ପାରୁନାହିଁ କିମ୍ବା ସରପଞ୍ଚ ଙ୍କ କୌଣସି କଥାକୁ ଗୁରୁତ୍ୱ ଦିଆଯାଉନାହିଁ । ସରକାରୀ ହାକିମ ବାବୁ ମାନେ ପିଇଓ ,ଜେଇ,ଜିଆରଏସ୍ ଙ୍କୁ ଗୁରୁତ୍ୱ ଦେଇ ସରପଞ୍ଚ ଙ୍କୁ ନାମ ମାତ୍ର କୁ ମୋହର ମାରିବାକୁ ରଖାଯାଇଥିବା ଭଳି କାର୍ଯ୍ୟ କରନ୍ତି । କୌଣସି ଏକ୍ସନ ପ୍ଲାନ ପି.ଏମ୍.ଜି.ଏସ୍.ୟାଇ ,ବିଜୁ ପକ୍କାଘର ଯୋଜନା ,ଏମ୍.ଜି.ଏନ.ଆର. ଇ .ଜି .ଏ , ବି.ଆର.ଜି.ଏଫ,ବିଜୁ ସଡକ ଯୋଜନା ଭଳି ଅନେକ କାମରେ ସରପଞ୍ଚ ଙ୍କ କୌଣସି କଥାକୁ ଗୁରୁତ୍ୱ ନଦେଇ ଜେଇ,ପିଇଓ,ବିଡ଼ିଓ ନିଜେ ନିଷ୍ପତି ନିଅନ୍ତି । ସରପଞ୍ଚ ଲୋକ ପ୍ରତିନିଧି ହେଲେ କଣ ହେବ…? ସରକାର ତାଙ୍କ ବ୍ୟବସ୍ଥା ମଧ୍ୟରେ ଚାଲିବ ବୋଲି ମଧ୍ୟ ସରକାରୀ ବାବୁ ମାନେ ବାହସ୍ପଟ ମାରନ୍ତି । ଏଭଳିକି ବର୍ତ୍ତମାନ କାର୍ଯ୍ୟରତ ବିଡ଼ିଓ ମହୋଦୟା ଶ୍ରୀମତି ଶାନ୍ତିପ୍ରଭା ଦେବୀ ପଞ୍ଚାୟତରେ କାର୍ଯ୍ୟରତ ସରକାରୀ କର୍ମଚାରୀ ମାନଙ୍କୁ ଦରମା ଯେତେ ବେଳେ ବ୍ଲକ ଦେଉଛି ବ୍ଲକ ଅଧିକାରୀଙ୍କ କଥା ଶୁଣିବାକୁ ବାଧ୍ୟ ବୋଲି ତାଗିଦ୍ ମଧ୍ୟ କରନ୍ତି । ସମସ୍ତ ସରକାରୀ ଯୋଜନାରେ ସରକାରୀ ବାବୁ ମାନେ ନିଜ ଇଚ୍ଛା ମୁତାବକ କାର୍ଯ୍ୟ ତୁଲାଉଥିବା ଏବଂ ନିଜକୁ ସୁହାଇବା ଭଳି କାର୍ଯ୍ୟ ପଦ୍ଧତି ତିଆରି କରୁଥିବା ବେଳେ ପଞ୍ଚାୟତ ରେ ସରପଞ୍ଚ ଙ୍କ କ୍ଷମତା ଏକ ବିରାଟ ଶୂନ୍ ହୋଇପଡିଛି । ବର୍ତ୍ତମାନର ଏହି ମହାମାରୀର ପରିସ୍ଥିତି ରେ ତ୍ରିସ୍ତରୀୟ ପଞ୍ଚାୟତରାଜ ବ୍ୟବସ୍ଥା କୁ ବୁଝିପାରି ମୁଖ୍ୟମନ୍ତ୍ରୀ ମହୋଦୟ ସରପଞ୍ଚ ଙ୍କୁ ଜିଲ୍ଲାପାଳ କ୍ଷମତା ଦେବା ସ୍ୱାଗତ ଯୋଗ୍ୟ ହୋଇଥିଲେ ମଧ୍ୟ ଯେଉଁଠି ପଞ୍ଚାୟତ ମଧ୍ୟରେ ସରପଞ୍ଚ ଙ୍କ କୌଣସି ସରକାରୀ କ୍ଷମତା ନାହିଁ ତେବେ ଏହି ମହାମାରୀ ବେଳେ ଏହି ଜିଲ୍ଲାପାଳ କ୍ଷମତା କେବଳ ହାସ୍ୟସ୍ପଦ ବୋଲି ମତ ଦେଇଛନ୍ତି ଜଗନ୍ନାଥପୁର ସରପଞ୍ଚ ଗୌରୀ ଗମାଙ୍ଗ ।
ସେ ଆହୁରି କହିଛନ୍ତି ଯେ ମହାମାରୀ କୁ ନେଇ ଗ୍ରାମଞ୍ଚଳ ମାନଙ୍କ ରେ ଅନେକ ଭୁଲ ଧାରଣା ,ସାମାଜିକ ବାସନ୍ଦ ଭଳି ପରିସ୍ଥିତି ରହିଥିବା ବେଳେ କଣ୍ଟେନମେଣ୍ଟ ଜୋନ, ମାଇକ୍ରୋ କଣ୍ଟେନମେଣ୍ଟ ଜୋନ ଓ ରୋଗୀଙ୍କୁ ଆଇସୋଲେସନ୍ ଭଳି ଵ୍ୟଵସ୍ଥା ନିଜେ ବିଡିଓ ମହୋଦୟା ଏହି ପରିପ୍ରେକ୍ଷୀରେ ମଧ୍ଯ ସରପଞ୍ଚ ଙ୍କ ସହ ବିନା ଯୋଗାଯୋଗ କରି କ୍ଷମତା ବ୍ଯବହାର କରୁଛନ୍ତି। ସରକାରୀ ଉନ୍ନୟନ ମୂଳକ କାର୍ଯ୍ୟରେ ପଞ୍ଚାୟତର ସରପଞ୍ଚ ଙ୍କୁ ଚତୁର୍ଥ ଶ୍ରେଣୀ କର୍ମଚାରୀ ଭଳି ବ୍ୟବହାର କରାଯାଉଥିବା ବେଳେ ମହାମାରୀ ପରିସ୍ଥିତି ରେ ଜିଲ୍ଲାପାଳ କ୍ଷମତା କାହାପାଇଁ ବୋଲି ସରପଞ୍ଚ କହିବା ସହ ମୋ ଭଳି ଅନେକ ନିଜର ବେଦନା କୁ ସରକାରୀ ଭୟ ଯୋଗୁଁ ଆଗକୁ ଆଣିପାରୁ ନାହାନ୍ତି ବୋଲି ମଧ୍ୟ କହିଛନ୍ତି ।
