ପୁରୀ, ୨୧।୬: କରୋନା ସଙ୍କଟ ମଧ୍ୟରେ ଯାତ୍ରୀଙ୍କ ପାଇଁ ଖୁସି ଖବର । ଜୁନ୍ ୨୩ରୁ ପୁରୀର ପିପିଲିକୁ ଗଡିବ ‘ମୋ ବସ୍’ । ଭୁବନେଶ୍ୱର ମ୍ୟାଷ୍ଟରକ୍ୟାଣ୍ଟିନରୁ ୪ଟି ବସ୍ ପିପିଲିକୁ ଗଡିବ । ପ୍ରଥମ ଦିନ ଚାଲିବ କେବଳ ଗୋଟିଏ ବସ୍, ସର୍ବମୋଟ ୪ଟି ବସ ପ୍ରତ୍ୟେକଦିନ ୩୩ଟି ବସଷ୍ଟପ୍ ମଧ୍ୟରେ ଯାତ୍ରା କରିବ । ପ୍ରଥମ ବସ ଭୁବନେଶ୍ୱର ରେଳ ଷ୍ଟେସନରୁ ସକାଳ ୭ଟାରେ ବାହାରିବ ଓ ଶେଷ ବସ୍ ସଂଧ୍ୟା ୫.୫୦ ରେ ପିପିଲି ଅଭିମୁଖେ ଯାତ୍ରା କରିବ । ଠିକ୍ ସେହିପରି ପିପିଲିରୁ ପ୍ରଥମ ବସ୍ ସକାଳ ୭.୪୫ ଏବଂ ଶେଷ ବସ୍ ସଂଧ୍ୟା ୭ଟାରେ ବାହାରିବ । ୨୩ ତାରିଖରେ ସେବାର ପ୍ରଥମ ଦିନ (ଆସନ୍ତା ବୁଧବାର) ରେ ମାତ୍ର ଗୋଟିଏ ବସ ଚାଲିବବୋଲି ସୂଚନା ମିଳିଛି । ଯାହାର ସର୍ବାଧିକ ଭଡା ୩୦ ଟଙ୍କା ରଖାଯିବ । କିନ୍ତୁ ବସରେ ଯାତ୍ରା କରୁଥିବା ଯାତ୍ରୀଙ୍କୁ ମାନିବାକୁ ପଡିବ କୋଭିଡ୍ ନିୟମ । ବସରେ ମାସ୍କ ପିନ୍ଧିବା ବାଧ୍ୟତାମୂଳକ ହୋଇଥିବା ବେଳେ ଠିଆ ହୋଇ ଯାତ୍ରା କରିବା ମନା ହୋଇଛି ।
