ଭୁବନେଶ୍ଵର : ରାଜ୍ୟରେ ଆଜି ୧୩୮ ଜଣ ନୂଆ କରୋନା ପଜିଟିଭ ଚିହ୍ନଟ ହୋଇଛନ୍ତି। ଏମାନଙ୍କୁ ମିଶାଇ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୨୯୯୪କୁ ବୃଦ୍ଧି ହୋଇଛି। ଚିହ୍ନଟ ୧୩୮ ଜଣଙ୍କ ମଧ୍ୟରୁ ୧୨୫ ଜଣ କ୍ଵାରେଣ୍ଟାଇନ ସେଣ୍ଟରରେ ଥିଲେ। ୧୩ ଜଣ ସ୍ଥାନୀୟ ଅଞ୍ଚଳର। ସୂଚନା ଓ ଲୋକସମ୍ପର୍କ ବିଭାଗ ପକ୍ଷରୁ ଏହି ସୂଚନା ମିଳିଛି।
ସୋମବାର ବିଭାଗର ସୂଚନା ଅନୁଯାୟୀ ୧୮ଟି ଜିଲ୍ଲାରୁ ଚିହ୍ନଟ କରୋନା ଆକ୍ରାନ୍ତଙ୍କ ମଧ୍ୟରୁ ଗଞ୍ଜାମ ଜିଲ୍ଲାର ୩୩ ଜଣ ରହିଛନ୍ତି। ସେହିପରି କଟକ ୧୫, ଖୋର୍ଦ୍ଧାରୁ ୧୩ଜଣ ଚିହ୍ନଟ ହୋଇଥିବା ବେଳେ ସୁନ୍ଦରଗଡ ୧୨, ଭଦ୍ରକ ୧୧, କନ୍ଧମାଳ ୧୦, କେନ୍ଦୁଝର ୧୦, ପୁରୀ ୭, ମୟୂରଭଞ୍ଜ ୬, ଯାଜପୁର ୬, ନୂଆପଡା, ଢେଙ୍କାନାଳ ଓ ନୟାଗଡ ଜିଲ୍ଲାରୁ ୩ ଜଣ ଲେଖାଏଁ, କଳାହାଣ୍ଡି ୨, କେନ୍ଦ୍ରାପଡା, ବଲାଙ୍ଗୀରି, ରାୟଗଡା ଓ ସମ୍ବଲପୁର ଜିଲ୍ଲାରୁ ଜଣେ ଲେଖାଏଁ ଚିହ୍ନଟ ହୋଇଛନ୍ତି
