ବାଣପୁର,୦୪/୦୨: ଏନ୍.ସି.ସି.-ନରେନ୍ଦ୍ରପୁର କ୍ରିକେଟ କ୍ଲବର ଟେନିସ ଟୁର୍ଣ୍ଣାମେଣ୍ଟର ଫାଇନାଲ ମ୍ୟାଚ B.B.S.T.R (ରହାଣବେଲି) ଏବଂ ସନ୍ ସାଇନ୍ ସ୍ପୋରଟିଙ୍ଗ (ଓଡଙ୍ଗା) ମଧ୍ୟରେ ଅନୁଷ୍ଠିତ ହୋଇଥିଲା । ଏହି ମ୍ୟାଚରେ B.B.S.T.R ଟସ ଜିତି ବ୍ୟାଟିଂର ନିଷ୍ପତି ନେଇ ନିର୍ଦ୍ଧାରିତ ୧୫ ଓଭରରେ ସମସ୍ତ ୱିକେଟ୍ ହରାଇ ୧୧୫ ରନ ସଂଗ୍ରହ କରିଥିଲେ। ଜବାବରେ ସନ୍ ସାଇନ୍ ସ୍ପୋରଟିଙ୍ଗ) ନିର୍ଦ୍ଧାରିତ ୧୫ ଓଭର ରେ ୭ଟି ୱିକେଟ ହରାଇ ୧୦୨ ରନ କରିବାକୁ ସକ୍ଷମ ହୋଇଥିଲା । ଯାହାଫଳରେ B.B.S.T.R (ରାହଣାବେଲି) ବିଜୟ ଲାଭ କରିଥିଲେ । B.B.S.T.R ଟୀମର ଚନ୍ଦୁ ମ୍ୟାନ ଅଫ ଦି ମ୍ୟାଚ. ମ୍ଯାନ ଅଫ ଦି ସିରିଜ ଏବଂ ବେଷ୍ଟ ବ୍ୟାଟସମାନ ଭାବେ ବିବେଚିତ ହୋଇଛନ୍ତି। ଏହି ଫାଇନାଲ ମ୍ୟାଚରେ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ଜିଲ୍ଲା ଯୋଜନା ବୋର୍ଡର ଅଧ୍ୟକ୍ଷ୍ ତଥା ଚିଲିକା ନିର୍ବାଚନ ମଣ୍ଡଳୀର ବିଧାୟକ ଶ୍ରୀଯୁକ୍ତ ପ୍ରଶାନ୍ତ କୁମାର ଜଗଦେବ ଓ ନରେନ୍ଦ୍ରପୁର ଗ୍ରାମର ପ୍ରମୁଖ ବ୍ୟକ୍ତି ବିଶେଷଗଣ ଉପସ୍ଥିତ ରହି ପୁରସ୍କାର ବିତରଣରେ ଅଂଶ ଗ୍ରହଣ କରିଥିଲେ । ଏନ୍.ସି.ସି. ର ସମସ୍ତ ଖେଳାଳି ଏବଂ କର୍ମକର୍ତ୍ତାଙ୍କ ସାହାଯ୍ୟରେ ଏହି ଟୁର୍ଣ୍ଣାମେଣ୍ଟଟି ସଫଳ ଭାବେ ସଂପାଦିତ ହୋଇଥିଲା ।
