ଆଠମଲ୍ଲିକ,୦୩/୦୧(ବୁଲୁଦଳେଇ): ଆଠମଲ୍ଲିକ ବ୍ଲକ ଅଏଡା ଗ୍ରାମ ପଂଚାୟତରେ ଗୁରୁବାର ସମାଧାନ ଶିକ୍ଷା ନିକେତନରେ ଅଷ୍ଟମ ବାର୍ଷିକ କ୍ରୀଡା ଉତ୍ସବ ଅନୁଷ୍ଠିତ ହୋଇଯାଇଛି l ଉଦ୍ଘାଟନୀ ଉତ୍ସବରେ ଅନୁଷ୍ଠା ନ ପରିଚାଳନା କମିଟିର ସଭାପତି ପ୍ରଭଞ୍ଜନ ଖେତୀ ଉପସ୍ଥିତ ରହି ଖେଳକୁଦ ଉତ୍ସବର ଶୁଭାରମ୍ଭ କରିଥିଲେ l କୁନି କୁନି ଛାତ୍ର ଛାତ୍ରୀମାନଙ୍କୁ ନେଇ ବିଭିନ୍ନ ଖେଳର ପ୍ରତିଯୋଗିତା କରାଯାଇଥିଲା l ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ଫିଟ କୋଚ ରାମଚନ୍ଦ୍ର ପ୍ରଧାନ,ସମ୍ମାନିତ ଅତିଥି ଭାବେ ଜାତୀୟ ମାନବାଧିକାର ସଂଗଠନ ଅନୁଗୋଳ ଜିଲ୍ଲା ସଭାପତି ଶତ୍ରୁଘ୍ନ ସାହୁ, ସମାଧାନ ଶିକ୍ଷା ନିକେତନ ର ଉପଦେଷ୍ଟା ମାଧବ ଚନ୍ଦ୍ର ସାହୁ, ଅରବିନ୍ଦ ଖେତି,ଅଧ୍ୟକ୍ଷ ରମେଶ ମହାନ୍ତି, ଖେଳ ଶିକ୍ଷକ ପ୍ରଭୁ ରଞ୍ଜନ ପ୍ରଧାନ ଉପସ୍ଥିତ ରହି କୃତି ଛାତ୍ର ଛାତ୍ରୀମାନଙ୍କୁ ପୁରସ୍କାର ପ୍ରଦାନ କରିଥିଲେ l ସଂଗଠନର ନିର୍ଦ୍ଦେଶକ ବିନୟ କୁମାର ପଟ୍ଟନାୟକ ମଞ୍ଚ ପରିଚାଳନା କରିଥିବା ବେଳେ ଗୁରୁମା କ୍ରିଷ୍ଣାରାଣୀ ଦନାୟକ ଧନ୍ୟବାଦ ଅର୍ପଣ କରିଥିଲେ l ବିଦ୍ୟାଳୟର ଗୁରୁଜୀ ନରହରି ପ୍ରଧାନ, ଵିଶାଲ ସାହୁ, ଗୁରୁମା ପ୍ରଭାତ ନଳିନୀ ଖେତି, ଲିପିକା ବେହେରା, ଶୁଭଶ୍ରୀ ଦେହୁରୀ, ମାମାଲି ତରିଆ ପ୍ରମୁଖ ସମସ୍ତ କାର୍ଯ୍ୟକୁ ସୁଚାରୁ ରୂପେ ସମ୍ପାଦନ କରିଥିଲେ l
