ନୂଆଦିଲ୍ଲୀ: ୧୮ଟି ରାଜ୍ୟସଭା ଆସନ ପାଇଁ ଜୁନ୍ ୧୯ରେ ନିର୍ବାଚନ ହେବ | ଆଜି ଏ ନେଇ ଘୋଷଣା କରିଛନ୍ତି ନିର୍ବାଚନ ଆୟୋଗ । ମାର୍ଚ୍ଚରେ ହେବାକୁ ଥିବା ଏହି ନିର୍ବାଚନ କରୋନାଭାଇରସ୍ ମହାମାରୀ ଏବଂ ପରେ କରାଯାଇଥିବା ଦେଶବ୍ୟାପୀ ଲକଡାଉନକୁ ଦୃଷ୍ଟିରେ ରଖି ସ୍ଥଗିତ ରଖାଯାଇଥିଲା। ଏହି ତାଲିକାରେ ଆନ୍ଧ୍ରପ୍ରଦେଶ ଏବଂ ଗୁଜୁରାଟରୁ ୪ଟି ଲେଖାଏଁ , ମଧ୍ୟପ୍ରଦେଶ ଏବଂ ରାଜସ୍ଥାନରୁ ତିନୋଟି ଲେଖାଏଁ , ଝାଡ଼ଖଣ୍ଡରୁ ଦୁଇଟି ଏବଂ ଉତ୍ତର-ପୂର୍ବ ରାଜ୍ୟ ମେଘାଳୟ ଏବଂ ମଣିପୁରରୁ ଗୋଟିଏ ଲେଖାଏଁ ସିଟ୍ ରହିଛି। ଜୁନ୍ ୧୯ରେ ସକାଳ ୯ଟାରୁ ମତଦାନ ଆରମ୍ଭ ହେବ ବୋଲି ଜଣା ପଡିଛି |
