କାଳୁପଡ଼ା ଘାଟ:-୧୭।୦୫(ବିନୁ ଦାସ୍)-ଖୋର୍ଦ୍ଧା ଜିଲ୍ଲାରେ ପ୍ରଶାସନର ମୁଣ୍ଡବ୍ୟଥା ସାଜିଥିବା ଗୋରୁମାଫିଆ ଗ୍ୟାଙ୍ଗକୁ ଅଚାନକ କୌଣସି ସୂତ୍ରରୁ ଖବରପାଇ ବାଲୁଗାଁ ଏସ୍ ଡ଼ି ପିଓ ରଞ୍ଜନ କୁମାର ବାରିକଙ୍କର ପ୍ରତ୍ୟକ୍ଷ ତତ୍ତ୍ୱାବଧାନରେ ଏକ ଟିମ୍ ଶୁକ୍ରବାର ରାତିରେ ଚଢ଼ାଉ କରି ୧୦ଟି ଗୋରୁ ଜବତ କରିବା ସହ ବ୍ୟବହୃତ ପିକପ ଗାଡି ସହ ଜଣଙ୍କୁ ଗିରଫ କରିଛି। ଓଡ଼ି୦୨ବିଜି୪୯୭୯ ନମ୍ବର ବିଶିଷ୍ଟ କଳା ରଙ୍ଗର ପିକପ କୁ ଜବତ କରିବା ସହ ଜଣଙ୍କୁ ଗିରଫ କରି ଟାଙ୍ଗୀ ଥାନାରେ ଭର୍ତ୍ତି କରିଛନ୍ତି।ପ୍ରାପ୍ତ ସୂଚନା ମୁତାବକ ଟାଙ୍ଗୀ ଥାନା ଏବଂ କୁହୁଡି ଫାଣ୍ଡି ଅଞ୍ଚଳରେ ପ୍ରବଳ ଗୋରୁ ଚୋର ଗୋରୁମାଫିଆ ରହିଛନ୍ତି ଏପରିକି ସ୍ଥାନୀୟ ପୋଲିସ କୁ ବି ଭୟ କରୁନାହାନ୍ତି ତୁରନ୍ତ ଏହି ଗୋରୁଚୋରା ମାଫିଆଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ହେଲେ ନିଶ୍ଚିତ ଭାବରେ ଗୋରୁ ଚୋରି କମିବ।
