କାଳୁପଡ଼ା ଘାଟ,୧୮/୦୩(ବିନୁ ଦାସ୍) : ଖୋର୍ଦ୍ଧା ଜିଲ୍ଲା ଚିଲିକା ବ୍ଲକ କାଳୁପଡ଼ା ଘାଟ ବାଳିକା ଉଚ୍ଚ ବିଦ୍ୟାଳୟ ପରିସରରେ ଉତ୍କଳ ଚକ୍ଷୁ ଚିକିତ୍ସାଳୟ ବାଲୁଗାଁ ତରଫରୁ ଏକ ଚକ୍ଷୁ ପରୀକ୍ଷା ଶିବିର ଆୟୋଜନ ହୋଇଯାଇଛି।ଚିଲିକା ବିଧାୟକ ସମବାୟ ପ୍ରତିନିଧି ଶେଷଦେଵ ରାୟଗୌରବ ଙ୍କ ପ୍ରଚେଷ୍ଟାରେ ଉତ୍କଳ ଚକ୍ଷୁ ଚିକିତ୍ସାଳୟର ବିଶେଷଜ୍ଞ ମାନଙ୍କ ଦ୍ୱାରା ଶିବିର ଆୟୋଜନ ହୋଇଯାଇଛି।ଏହି ଶିବିରରେ ଚଣ୍ଡେଶ୍ୱର, କଳକଳେଶ୍ୱର, ଜରିପଡ଼ା ଏବଂ ସୋରଣ ପଞ୍ଚାୟତ ର ଶତାଧିକ ବ୍ୟକ୍ତି ନିଜ ନିଜର ଚକ୍ଷୁ ପରୀକ୍ଷା କରିଥିଲେ ଏବଂ ପରିଶେଷରେ ୨୫ ଜଣ ରୁ ଅଧିକ ରୋଗୀଙ୍କ ମାଗଣା ମୋତିଆବିନ୍ଦୁ ଅପରେସନ ପାଇଁ ପ୍ରଥମ ପର୍ଯ୍ୟାୟରେ ବାଲୁଗାଁ ନେଇଛନ୍ତି।ଏହି ଶିବିରରେ ଦୀପକ ପ୍ରଧାନ, ସଞ୍ଜୀବ ବେହେରା ପ୍ରମୁଖ ଆଖି ରୋଗ ବିଶେଷଜ୍ଞ ସହଯୋଗ କରି ମୋତିଆବିନ୍ଦୁ ଅପରେସନ ହେବାକୁ ଥିବା ରୋଗୀ ମାନଙ୍କୁ ନିଜ ଦାୟିତ୍ୱରେ ନେଇଥିଲେ।
