ବୁଗୁଡ଼ା,୧୫/୦୨(ବୁଦ୍ଧିରାମ ସାହୁ):ଗଞ୍ଜାମ ଜିଲ୍ଲା ବୁଗୁଡା ବ୍ଲକ ଅନ୍ତର୍ଗତ ପାଙ୍ଗିଡି ଗ୍ରାମରେ ଆଜି ସକାଳ ୯.୩୦ ମିନିଟି ସମୟରେ ଅଭାବନୀୟ ଦୁର୍ଘଟଣା ଘଟିଯାଇଛି। ପାଙ୍ଗିଡି ଗ୍ରାମ ମେନ୍ ରୋଡ଼ ପାର୍ଶ୍ଵରେ ଜେସିବି (ନଂ OD 25 A 7535) ଦ୍ବାରା ଖୋଲା ଯାଉଥିବା ପାଣି ପାଇପ ପାଇଁ ଡ୍ରେନ କାମ ଚାଲୁଥିବା ବେଳେ ରୋଡ଼ ପାର୍ଶ୍ଵରେ ଥିବା ନିଜର ଘର ବାରଣ୍ଡାରେ ବସି ଦେଖୁଥିଲେ ଠିକ ଏହି ସମୟରେ ଜେସିବି ର ବକେଟ ଭାଙ୍ଗି ଯାଇ ସୁବାସ ଚନ୍ଦ୍ର ଡୋରା ଵୟସ (୬୫) ତାଙ୍କର ଅଣ୍ଟାଠୁ ଗୋଡ଼ ଯାଏ ଉପରେ ପଡିଯାଇଥିଲା। ସଙ୍ଗେ ସଙ୍ଗେ କାମ କରୁଥିବା ଲୋକ ଓ ଜେସିବିର ଡ୍ରାଇଭର ଦୌଡି ପଳାଇଥିଲେ । ସ୍ଥାନୀୟ ବାସିନ୍ଦା ଉଦ୍ଧାର କରି ଆମ୍ବୁଲାନ୍ସ ୧୦୮ ନମ୍ବର କୁ ଯୋଗାଯୋଗ କରିଥିଲେ। କିନ୍ତୁ ଆମ୍ବୁଲାନ୍ସ ଆସିବାରେ ବିଳମ୍ବ ହେବାରୁ ତାଙ୍କର ପୁଅ ଅଟୋ ସାହାଯ୍ୟରେ ବୁଗୁଡ଼ା ମେଡିକାଲକୁ ଆଣିବା ରାସ୍ତା ରେ ମୃତ୍ୟୁବରଣ କରିଥିଲେ। ବୁଗୁଡ଼ା ଥାନା ଅଧିକାରୀ ପହଞ୍ଚି କେସ୍ ନମ୍ବର ୩/୨୧ ଅପମୃତ୍ୟୁ ମାମଲା ରୁଜୁ କରି ଶବକୁ ବ୍ଯବଛେଦ ପାଇଁ ପଠାଇ ଥିବା ସୂଚନା ମିଳିଛି ।
