ଖଲ୍ଲିକୋଟ:(ସୁଶୀଲ ଲେଙ୍କା )ଆଜି ୧୬ ନମ୍ବର ଜାତୀୟ ରାଜପଥରେ ଖଲ୍ଲିକୋଟ ଥାନା ଅନ୍ତର୍ଗତ ଲଙ୍ଗଳେଶ୍ବର ଠାରୁ ଅନତି ଦୂରରେ ଥିବା ରିଲାଏନ୍ସ ପେଟ୍ରୋଲ ପମ୍ପ ନିକଟରେ ଗୋଟିଏ ଟ୍ରକ ରାସ୍ତା କଡରେ ଠିଆ ହୋଇ ଥିବା ବେଳେ ଜଣେ ବାଇକ ଚାଳକ ଭୂବନେଶ୍ୱର ଠାରୁ ଆସିକା ଅଭିମୁଖେ ଯାଉଥିବା ବେଳେ କୌଣସି କାରଣରୁ ଭାରସାମ୍ୟ ହରାଇ ଟ୍ରକ ପଛପଟକୁ ଧକ୍କା ଦେଇ ଗୂରୁତର ଅବସ୍ଥାରେ ରାସ୍ତାରେ ପଡି ଛଟପଟ ହେଉଥିବା ଅବସ୍ଥାରେ ସ୍ଥାନୀୟ ଲୋକ ଓ ରାସ୍ତା ଦେଇ ଯାଉଥିବା ଲୋକ ମାନେ ବାରମ୍ବାର ୧୦୮ ଆମ୍ବୁଲାନ୍ସ ଓ ଅଗ୍ନିଶମ ବାହିନୀକୁ ଫୋନ କରି ବିଫଳ ହେବା ପରେ ସେଠାକାର ଜଣେ ସଚେତନ ନାଗରିକ ଖଲ୍ଲିକୋଟ ପୋଲିସକୁ ଫୋନ କରିବା ପରେ ଭେଜିପୁଟ ଫାଣ୍ଡି ଭାରପ୍ରାପ୍ତ ଅଧିକାରୀ ଦେବାଶିଷ ମିଶ୍ର ଘଟଣା ସ୍ଥଳରେ ପହଞ୍ଚି ଗୁରୁତର ଅବସ୍ଥାରେ ପଡିଥିବା ଭୂବନେଶ୍ୱର ପାତ୍ରପଡା ଅଞ୍ଚଳର ରାମେଶ୍ବର ଦାସଙ୍କୁ ଉଦ୍ଧାର କରି ଖଲ୍ଲିକୋଟ ଡାକ୍ତର ଖାନାରେ ଭର୍ତ୍ତି କରିଥିଲେ l ରାମେଶ୍ୱରଙ୍କ ଅବସ୍ଥା ଗୁରୁତର ହେବାରୁ ଡାକ୍ତରଙ୍କ ନିର୍ଦ୍ଦେଶ କ୍ରମେ ବ୍ରହ୍ମପୁର ବଡ ମେଡିକାଲକୁ ସ୍ଥାନାନ୍ତରିତ କରାଯାଇଥିଲା l
