ବାଣପୁର, ଖୋର୍ଦ୍ଧା ଜିଲ୍ଲା ବାଣପୁର ଏନ୍ଏସି ରେ ବହୁ ଆଡ଼ମ୍ବରରେ ନିଖିଳ ଭାରତ ସ୍ୱାୟତ୍ତ ଶାସନ ଦିବସ ପାଳିତ ହୋଇଯାଇଛି। ଏହି ଅବସରରେ ପ୍ରଥମେ ବାଣପୁର ଏନ୍ଏସି ପକ୍ଷରୁ ସହରରେ ରାମ୍ ଧୁନ୍ ପରିବେଷଣ ହୋଇଥିଲା । ଏହାପରେ ଅଧ୍ୟକ୍ଷ ତଥା ସମସ୍ତ କାଉନସିଲର ଙ୍କ ଦ୍ବାରା ମହାପୁରୁଷଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରାଯାଇଥିଲା , ଅଧ୍ୟକ୍ଷଙ୍କ ଦ୍ବାରା ଏନ୍ଏସି କାର୍ଯ୍ୟାଳୟ ପରିସରରେ ଜାତୀୟ ପତାକା ଉତ୍ତୋଳନ ପରେ ସ୍ଥାନୀୟ ଉପଖଣ୍ଡ ଚିକିତ୍ସାଳୟରେ ଫଳ ବଣ୍ଟନ କରାଯାଇଥିଲା। କୃତି ପ୍ରତିଯୋଗୀ ମାନଙ୍କୁ ପୁରସ୍କାର ବିତରଣ କରାଯାଇଥିଲା ।
ଅଧ୍ୟକ୍ଷ ମିଟୁ ନାୟକ ବିଭିନ୍ନ ୨୨ ଟି ପ୍ରକଳ୍ପ ଉଦଘାଟନ ଓ ଶିଳାନ୍ୟାସ କରିଛନ୍ତି । ପ୍ରକଳ୍ପ ମଧ୍ୟରେ ବାଣପୁର ପ୍ରବେଶ ପଥରେ ‘ଆଇ ଲଭ୍ ବାଣପୁର ‘ସେଲ୍ଫି ପଏଣ୍ଟ , ସର୍ବସାଧାରଣ ପାଇଁ ଶୌଚାଳୟ , ମିନି ହାଇ ମାଷ୍ଟ ଲାଇଟ୍, ମିଶନ ଶକ୍ତି ଗୃହ, ଭେଣ୍ଡିଂ ଜୋନର ଭିତ୍ତି ପ୍ରସ୍ତର ସ୍ଥାପନ ହେବା ସହିତ, ଏନଏସି ଅତିଥି ଗୃହ, ପିଭର ବ୍ଲକ ରୋଡ କୁ ଅଧ୍ୟକ୍ଷ ମିଟୁ ନାୟକ ଉଦଘାଟନ କରିଛନ୍ତି । ଏହି କାର୍ଯ୍ୟକ୍ରମରେ ଏନ୍ଏସି ସମସ୍ତ କାଉନସିଲର ଓ ସାଂସଦ ପ୍ରତିନିଧି ଦାଶରଥି ସାହୁ, ବିଧାୟକ ପ୍ରତିନିଧି ବିକ୍ରମ କେଶରୀ ଜେନା, ଏନ୍ଏସି ବିଜୁ ଜନତା ଦଳ ସଭାପତି ଉମାକାନ୍ତ ଲାଠି, ପ୍ରଶାନ୍ତ ସାହୁ ଉପସ୍ଥିତ ରହିଥିଲେ ।
ପୌର ଅଧକ୍ଷ ମିଟୁ ନାୟକ ବାଣପୁର ପରିମଳ ବ୍ୟବସ୍ଥା କୁ ଆହୁରି ଅଧିକ ସ୍ୱଚ୍ଛ ସୁନ୍ଦର କରିବା ଦିଗରେ ଗୁରୁତ୍ୱ ଦେବେ ବୋଲି କହିଛନ୍ତି । ବାଣପୁର ସହର କୁ ପରିଷ୍କାର ରଖିବା , ରାସ୍ତା କଡ ରେ ବୃକ୍ଷ ରୋପଣ କରିବା , ଗୃହ ପାଳିତ ପଶୁ ଙ୍କୁ ରାସ୍ତା ଉପରକୁ ନ ଛାଡ଼ିବା, ଅଳିଆ ଆବର୍ଜନା କୁ ରାସ୍ତା ରେ ନ ପକାଇ ଡଷ୍ଟ ବିନ୍ ରେ ପକାଇବା ପାଇଁ ଗୁରୁତ୍ବ ଦେଇଛନ୍ତି । ବାଣପୁର ସହର ରେ ଆମେ ବାସ କରୁଛୁ ସେ ସହର ଆମର ଆପଣାର ତାହାର ମଙ୍ଗଳ ସାଧନ କରିବା ଏହି ପବିତ୍ର ସ୍ୱାୟତ ଶାସନ ଦିବସ ରେ ଆମ ମୂଳ ଉଦ୍ଦେଶ୍ୟ ଓ ଲକ୍ଷ୍ୟ ବୋଲି ଅଧ୍ୟକ୍ଷ ମିଟୁ ନାୟକ କହିଛନ୍ତି ।
