ଢେଙ୍କାନାଳ ଜିଲ୍ଲା ଗୋବିନ୍ଦପୁର ଅଞ୍ଚଳ ବାରବାଙ୍କ ସାହିରେ ଅଭାବନୀୟ ଘଟଣା । ପୋଖରୀରେ ବୁଡ଼ି ୪ ଜଣ ନାବାଳକ, ନାବାଳିକାଙ୍କ ମୃତ୍ୟୁ । ଏଭଳି ଘଟଣା ଆଜି ସୋମବାର ଦିନ ଘଟିଛି ସ୍ଥାନୀୟ ସଦର ଥାନା ଗୋବିନ୍ଦପୁର ଅଞ୍ଚଳର ବାରବାଙ୍କ ସାହିରେ ଏଭଳି ଅଘଟଣ ଘଟିଛି ।
ସମ୍ପୃକ୍ତ ୪ ନାବାଳକ, ନାବାଳିକା ଗାଧୋଇବା ପାଇଁ ନିକଟସ୍ଥ ପୋଖରୀକୁ ଯାଇଥିଲେ । ସେଠାରେ ଗାଧୋଇବାବେଳେ ସମସ୍ତଙ୍କ ଗୋଡ଼ ଖସିଯିବାରୁ ସେମାନେ ବୁଡ଼ିଯାଇଥିଲେ । ଗାଁ ଲୋକେ ସମସ୍ତଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଢେଙ୍କାନାଳ ମେଡିକାଲକୁ ନେଇଥିଲେ ହେଁ ସେଠାରେ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ । ମୃତକ ୪ ଜଣ ସମ୍ପକୀୟ ଭାଇ ଭଉଣୀ ବୋଲି ସୂଚନା ମିଳିଛି ।
