ରାଜଗାଙ୍ଗପୁର,୩୧/୦୩(ମନୋଜ ଭୋଳ): ରାଜଗାଙ୍ଗପୁର ପୌରନିର୍ବାଚନରେ ବିଜେଡି ଦଳ ପୋୖରାଧ୍ୟକ୍ଷ ଏବଂ ୧୨ଟି କାଉନସିଲର ପଦ ହାସଲ କରିବାପରେ ଆଜି ଦଳ ପକ୍ଷରୁ ଏକ ଭବ୍ୟ ବିଜୟ ଶୋଭାଯାତ୍ରାର ଆୟୋଜନ କରାଯାଇଥିଲା। ଚଳିତମାସ ୨୪ ତାରିଖରେ ରାଜଗାଙ୍ଗପୁର ପୋୖରାଞ୍ଚଳର ୨୦ ୱାର୍ଡରେ କାଉନସିଲର ପଦବୀ ଏବଂ ପୋୖରାଧ୍ୟକ୍ଷ ପଦ ନିମନ୍ତେ ସିଧାସଳଖ ନିର୍ବାଚନ ହୋଇଥିଲା ଏବଂ ୨୬ ତାରିଖରେ ଭୋଟ୍ ଗଣତି କରିଯାଇଥିଲା । ଏହି ନିର୍ବାଚନରେ ବିଜେଡି ଦଳର ପୋୖରାଧ୍ୟକ୍ଷା ପ୍ରାର୍ଥୀନୀ ମାଧୁରୀ ଲୁଗୁନ ସର୍ବାଧିକ ୧୦୯୧୯ ଖଣ୍ଡ ଭୋଟ୍ ପାଇ ବିଜୟ ଲାଭ କରିଥିଲେ। ସେହିଭଳି ୨୦ଟି ୱାର୍ଡରୁ ୧୨ଟି ୱାର୍ଡରେ ବିଜେଡି ଦଳର କାଉନସିଲର ପ୍ରାର୍ଥୀ ଏବଂ ପ୍ରାର୍ଥୀନୀ ବିଜୟୀ ହୋଇଛନ୍ତି। ତେଣୁ ଜିଲ୍ଲା ବିଜେଡି ସଭାପତି ବିନୟ କୁମାର ଟପ୍ପୋଙ୍କର ନେତୃତ୍ୱରେ ଏକ ବିଶାଳ ବିଜୟ ଶୋଭାଯାତ୍ରା ରାଣୀବନ୍ଧରୁ ଆରମ୍ଭ ହୋଇ ବିଜୁପଟ୍ଟନାୟକ ଛକ,ସୁବାଷ ବୋଷ ଛକ,ବଷ୍ଟାଣ୍ଡ ଏବଂ ଲିପଲୋଇ ଛକ ହୋଇ ଲିପଲୋଇ ସ୍ଥିତ ଜଗନ୍ନାଥ ମନ୍ଦିର ପର୍ଯ୍ୟନ୍ତ ଯାଇଥିଲା। ଉକ୍ତ ଶୋଭାଯାତ୍ରା ସମୟରେ ପୋୖରାଧ୍ୟକ୍ଷା ଶ୍ରୀମତୀ ଲୁଗୁନଙ୍କ ସମେତ ସମସ୍ତ ବିଜୟୀ କାଉନସିଲର ସ୍ବର୍ଗତ ବିଜୁବାବୁ ଏବଂ ସୁବାଷ ବୋଷଙ୍କର ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଥିଲେ ଏବଂ ସର୍ବଶେଷରେ ଲିପଲୋଇ ସ୍ଥିତ ଜଗନ୍ନାଥ ମନ୍ଦିରରେ ମହାପ୍ରଭୁଙ୍କର ଦର୍ଶନ କରିଥିଲେ। ଏହି ଶୋଭାଯାତ୍ରାରେ ଟାଉନ ବିଜେଡି ସଭାପତି ରାଜେନ୍ଦ୍ର ବେହେରା,ଦିଲ୍ଲୀପ କୁମାର ମିଶ୍ର, ରାଜେନ୍ଦ୍ର ଲେଙ୍କା, ରାଜୁ ମାହାନ୍ତି,ବିବେକ ସାହୁ, ବିଶ୍ୱପ୍ରକାଶ ବେହେରା, ରାକେଶ ନନ୍ଦା, ମନୋଜ ବାଙ୍କା ଏବଂ ବିଜୟ ଲାଭ କରିଥିବା ୧୨ ଜଣ କାଉନସିଲର କୌଶଲ ସିଂ,ଏମ୍.ଡି ଇରଫାନ,କୌଶର ପରବିନ,ସୁଧୀର ଶାହ,ଗୋବର୍ଦ୍ଧନ ତନ୍ତୀ,ଅଲବେର୍ଟ ମିଞ୍ଜ,ଅନ୍ତରିକ୍ଷ ପଲେଇ,ଲଳିତା ଚଉନିଆ ,ସୁଜାତା ତିର୍କୀ,ପ୍ୟାରୀ ତିର୍କୀ,ନିବେଦିତା ବେହେରା,ସିମ୍ରନ ତନ୍ତୀଙ୍କ ସମେତ ଶତାଧିକ ବିଜେଡି କର୍ମୀମାନେ ସାମିଲ ହୋଇଥିଲେ। ସମସ୍ତ ବିଜୟୀ ପ୍ରାର୍ଥୀ ଏବଂ ପ୍ରାର୍ଥୀନୀ ସର୍ବପ୍ରଥମେ ଏହି ବିପୁଳ ବିଜୟ ପାଇଁ ସର୍ବପ୍ରଥମେ ଓଡ଼ିଶାର ପ୍ରିୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଦେବା ସହିତ କୃତଜ୍ଞତା ଜଣାଇଥିଲେ। ଏହାସହିତ ଜିଲ୍ଲା ପର୍ଯ୍ୟବେକ୍ଷକ ତଥା ସୁକିନ୍ଦା ବିଧାୟକ ପ୍ରିତିର ରଞ୍ଜନ ଘଡେଇ, ଜିଲ୍ଲା ସଭାପତି ବିନୟ କୁମାର ଟପ୍ପୋ, ଏବଂ ବିଜେଡି ଦଳକୁ ଭଲ ପାଉଥିବା ସମଗ୍ର ରାଜଗାଙ୍ଗପୁର ଅଞ୍ଚଳବାସିନ୍ଦାଙ୍କୁ ଧନ୍ୟବାଦ ଜଣାଇଥିଲେ।
