ମଙ୍ଗଳାଯୋଡି:-୨୯/୧୨(ବିନୁ ଦାସ୍):-ଜଙ୍ଗଲି ହାତୀ ଆକ୍ରମଣରେ ମହିଳା ମୃତ । ମୃତକ ମହିଳା ଜଣକ ଟାଙ୍ଗୀ ଥାନା ନିକଟସ୍ଥ ମଙ୍ଗଳାଯୋଡି ଗ୍ରାମର ଅନୁ ପ୍ରଧାନ । ଖୋର୍ଦ୍ଧା ଜିଲ୍ଲାର ଟାଙ୍ଗୀ ବନ ବିଭାଗ ରେଞ୍ଜ ଇଲାକାରେ ଏବେ ୧୭ ଟି ଜଙ୍ଗଲି ହାତୀ ଉତ୍ପାତ କରୁଛନ୍ତି । ମଙ୍ଗଳାଯୋଡି ଓ ଏହାର ଆଖପାଖ ଗ୍ରାମରେ ୨ଟି ଜଙ୍ଗଲି ହାତୀ ଉପଦ୍ରବ କରୁଛନ୍ତି । ହଠାତ୍ ଜନବସତି ମଧ୍ୟକୁ ଗୋଟିଏ ହାତୀ ପଶି ଆସିଲା , ଠିକ୍ ଏହି ସମୟରେ ଘର ମଧ୍ୟରୁ ଭୟରେ ଏହା ମହିଳା ଜଣକ ଦୈ।ଡି ପଳାଇବା ବେଳେ ହାତୀ ଆକ୍ରମଣ କରିଛି । ଏବଂ ଘଟଣା ସ୍ଥଳରେ ହିଁ ମହିଳା ଙ୍କ ମୃତ୍ୟୁ ହୋଇଗଲା ।
ହାତୀ ଘୁରି ବୁଲୁଥିବା ନେଇ ବନ ବିଭାଗ ପକ୍ଷରୁ ଗାଁ ଲୋକଙ୍କୁ ଡାକବାଜୀ ଯନ୍ତ୍ର ଦ୍ୱାରା ସଚେତନ କରାଯାଇଥିଲା । ଏବେ ଟାଙ୍ଗୀ ବନ ବିଭାଗ ପକ୍ଷରୁ ହାତୀ ଘଉଡାଇବା ଜାରି ରହିଥିବା ଟାଙ୍ଗୀ ବନ ବିଭାଗର ରେଞ୍ଜର ରବୀନ୍ଦ୍ର ନାଥ ପଣ୍ଡା ସୂଚନା ଦେଇଛନ୍ତି । ଅପରପକ୍ଷରେ ଟାଙ୍ଗୀ ଡାକ୍ତର ଖାନାରେ ମହିଳାଙ୍କ ଶବ ପଡିରହିଥିବା ବେଳେ ଆସନ୍ତା କାଲି ଶବ ବ୍ୟବଚ୍ଛେଦ ହୋଇ ପରିବାରକୁ ହସ୍ତାନ୍ତର କରାଯିବ କିନ୍ତୁ ସ୍ଥାନୀୟ ଟାଙ୍ଗୀ ବନ ବିଭାଗର ବିଫଳତା ଯୋଗୁଁ ହାତୀ ଆକ୍ରମଣ ଏବଂ ଫସଲ ସହ ଧନ ଜୀବନ ହାନି ଯଥେଷ୍ଟ ପରିମାଣରେ ବୃଦ୍ଧି ପାଇଛି । ଯାହା ଫଳରେ ସ୍ଥାନୀୟ ଅଞ୍ଚଳରେ ଜନ ଅସନ୍ତୋଷ ଦିନକୁ ଦିନ ବଢ଼ିବାରେ ଲାଗିଛି।
