ସୁନ୍ଦରଗଡ଼, (ମନୋଜ ଭୋଳ ଙ୍କ ରିପୋର୍ଟ):-ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ସହର ରେ ଆଜି ଓଡିଶା ପ୍ରଦେଶ ଯୁବ କଂଗ୍ରେସ ପକ୍ଷ ରୁ ପ୍ରବକ୍ତା ଚୟନ କୁ ଆଧାର କରି ରାଜଗାଙ୍ଗପୁର ସହର ସ୍ଥିତ ସତ୍ୟବାଦୀ ହୋଟେଲ ରେ ଆଜି ଜିଲ୍ଲା ସ୍ତରୀୟ ବକୃତା ପ୍ରତିଯୋଗିତା ର ଆୟୋଜନ କରାଯାଇଥିଲା | ଏହି ଅବସର ରେ ରାଜଗାଙ୍ଗପୁର ବିଧାୟକ ଡକ୍ଟର ସି ଏସ ରାଜନ ଏକ୍କା ମୁଖ୍ୟ ଅତିଥି ରୂପେ ଯୋଗ ଦେଇଥିଲେ | ବିଧାୟକ ଙ୍କ ସହ କଂଗ୍ରେସ ର ସାଧାରଣ ସମ୍ପାଦକ ପ୍ରଫୁଲ୍ଲ ଉପାଧ୍ୟାୟ ,ଟାଉନ କଂଗ୍ରେସ ଉପ ସଭାପତି ଦିପୁ ବିନୋଦ,କଂଗ୍ରେସ ର ବରିଷ୍ଠ ନେତା ଇକବାଲ ମଲ୍ଲିକ ପ୍ରତିଯୋଗୀ ମାନଙ୍କ ବକୃତା କୁ ଅନୁଧ୍ୟାନ କରିବା ସହ ସେମାନଙ୍କ ଚୟନ କରିଥିଲେ | ଯୁବ କଂଗ୍ରେସ ତରଫ ରୁ ଏହା ଆୟୋଜନ କରାଯାଇଥିବା ବେଳେ ଯୁବ କଂଗ୍ରେସ ସୁନ୍ଦରଗଡ଼ ଜିଲ୍ଲା ସଭାପତି ଅଲବର୍ଟ କିଣ୍ଡୋ ଙ୍କ ଅଧକ୍ଷତା ରେ ଏହି ପ୍ରତିଯୋଗିତା ହୋଇଥିଲା | ପ୍ରତିଯୋଗିତା ନାରୀ ସମ୍ମାନ ,ବେକାରୀ ସମସ୍ୟା ,ଓ ଦେଶରେ ବୃଦ୍ଧି ପାଉଥିବା ଦର ଦାମ କୁ ନେଇ କେନ୍ଦ୍ର ସରକାର ଓ ରାଜ୍ୟ ସରକାର ଙ୍କ ମନ ମୁଖୀ କାର୍ଯ୍ୟ କୁ ବିରୋଧ କରି ଲୋକଙ୍କୁ ଜାଗୃତ କରିବା ବିଷୟ ବସ୍ତୁ କୁ ନେଇ ହୋଇଥିଲା | ଏହି ପ୍ରତିଯୋଗିତା କାର୍ଯ୍ୟକ୍ରମ କୁ ଯୁବ କଂଗ୍ରେସ ର ସୁନ୍ଦରଗଡ଼ ଜିଲ୍ଲା ସଭାପତି ଅଲବର୍ଟ କିଣ୍ଡୋ ଓ ଯୁବ କଂଗ୍ରେସ ର ସୁନ୍ଦରଗଡ଼ ଜିଲା ପ୍ରବକ୍ତା ଶିଳ୍ପା ଏକ୍କା ପରିଚାଳନା କରିଥିଲେ |ଏହି ପ୍ରତିଯୋଗିତା ରେ ବହୁ କଂଗ୍ରେସ କର୍ମୀ ଓ ଯୁବ କର୍ମୀ ମାନେ ଭାଗ ନେଇଥିଲେ | ଏଥିରେ ଚୟନ ହୋଇଥିବା ପ୍ରତିଯୋଗୀ ମାନେ ଦିଲ୍ଲୀ ଯିବା ନେଇ ଜଣା ପଡ଼ିଛି |ଶେଷରେ ଚୟନ ହୋଇଥିବା ପ୍ରତିଯୋଗୀ ମାନଙ୍କୁ ପ୍ରାଇଜ ସହ ସାର୍ଟିଫିକେଟ ପ୍ରଦାନ କରାଯାଇଥିଲା |
