ଭୁବନେଶ୍ବର,୧୧/୫: ବର୍ତ୍ତମାନ ଦେଶରେ କରୋନା ସଂକ୍ରମଣ ବଢ଼ି ଚାଲିଥିବା ବେଳେ ଏହାର ଫାଇଦା ନେବାକୁ ବାଟ ଖୋଜୁଛନ୍ତି ସାଇବର ଲୁଟେରାମାନେ । ଲୋକଙ୍କୁ ଟିକା ପଞ୍ଜିକରଣ ପାଇଁ ନକଲି ମେସେଜ୍ ପଠାଉଛନ୍ତି । ମେସେଜକୁ କ୍ଲିକ କରିବା ମାତ୍ରେ ଫୋନ୍ ହ୍ୟାକ୍ ହେବା ସହ ଡାଟା ଚୋରି ହୋଇଯାଉଛି । ମେସେଜ୍ ଉପରେ କ୍ଲିକ୍ କରିବା ପରେ ଫୋନରେ ଆପ୍ ଅଟୋମେଟିକ୍ ଇନଷ୍ଟଲ ହୋଇଯାଉଛି । ତେଣୁ ଏନେଇ ସାବଧାନ ରହିବାକୁ ଫେଡେରାଲ ସାଇବର ସୁରକ୍ଷା ଏଜେନ୍ସି ପକ୍ଷରୁ ସତର୍କ କରାଯାଇଛି । ଟିକା ପଞ୍ଜିକରଣ ସରକାରୀ ପୋର୍ଟାଲ କୋ-ୱିନରେ ହିଁ କରିବାକୁ ପରାମର୍ଶ ଦିଆଯାଇଛି ।
