ଆଠମଲ୍ଲିକ:-୨/୪:- ଆଠମଲ୍ଲିକ ଓକିଲସଂଘ ର ନବନିର୍ବାଚିତ କର୍ମକର୍ତ୍ତାମାନଙ୍କ ବୁଧବାର ସଂଘ ବାରହଲ ଠାରେ ଶପଥ ଗ୍ରହଣ ଉତ୍ସବ ଅନୁଷ୍ଠିତ ହୋଇଯାଇଛି l ନିର୍ବାଚନ ଅଧିକାରୀ ବରିଷ୍ଠ ଆଇନଜୀବୀ ବାମନ କୁମାର ମିଶ୍ର ସମସ୍ତ ନବନିର୍ବାଚିତ ପଢାଧିକାରୀ ପଦ ଓ ଗୋପନୀୟତା ର ଶପଥ ପାଠ କରାଇଥିଲେ l ସଭାପତି ଭାବେ ଲଗାତାର ପଞ୍ଚମ ଥର ପାଇଁ ନିର୍ବାଚିତ ହୋଇଥିବା ସୁଶାନ୍ତ କୁମାର ମହାପାତ୍ର ଶପଥ ଗ୍ରହଣ କରିଥିବା ବେଳେ ଉପସଭାପତି ଭାବେ ବିଦ୍ୟୁତ କୁମାର ପାଣିଗ୍ରାହୀ, ସମ୍ପାଦକ ଭାବେ ଅର୍ଜୁନ ରାଉଳ, ସହ ସମ୍ପାଦକ ଭାବେ ନୀଳାଞ୍ଚଳ ନାଏକ ଓ କୋଷାଧ୍ୟକ୍ଷ ତଥା ଲାଇବ୍ରେରୀଆନ ଭାବେ ନିର୍ଦ୍ବନ୍ଦ ରେ ନିର୍ବାଚିତ ହୋଇଥିବା ବିଶ୍ୱସୁନ୍ଦର ଶତପଥି ଶପଥ ଗ୍ରହଣ କରିଥିଲେ l ନିର୍ବାଚିତ କର୍ମକର୍ତ୍ତାମାନେ ନିଜନିଜ ମଧ୍ୟରେ ଉତ୍ତମ ବୁଝାମଣା ରକ୍ଷାକରି ଓକିଲସଂଘ ର ମାନମର୍ଯ୍ୟାଦା କୁ ଆଖିଆଗରେ ରଖି କାର୍ଯ୍ୟ କରିବାକୁ ବରିଷ୍ଠ ଆଇନଜୀବୀ ଜିତେନ୍ କୁମାର ମିଶ୍ର ନବନିର୍ବାଚିତ ସମସ୍ତ କର୍ମକର୍ତ୍ତା ଙ୍କୁ ଉପଦେଶ ଦେଇଥିଲେ l ବରିଷ୍ଠ ଆଇନଜୀବୀ ବିଜୟ କୁମାର ମହାକୁଡ଼ ମଧ୍ୟ ଓକିଲସଂଘ ର ସମସ୍ତ ଆଇନଜୀବୀ ପୂର୍ବକଥା ସବୁ ଭୁଲି ସଂଘ ର ଉନ୍ନତି ଚିନ୍ତା କରିବା ଦରକାର ବୋଲି କହିବା ସହ ଓ ଆବଶ୍ୟକ ସ୍ଥଳରେ ସମସ୍ତେ ଏକଜୁଟ ହେବାକୁ ଆହ୍ୱାନ ଦେଇଥିଲେ l ସଂଘର ସମସ୍ତ ଆଇନଜୀବୀମାନଙ୍କ ସହଯୋଗ ମିଳିଲେ ଅନେକ ଉନ୍ନତି ମୂଳକ କାର୍ଯ୍ୟକ୍ରମ କରାଯାଇ ପାରିବ ବୋଲି ସଭାପତି ସୁଶାନ୍ତ ତାଙ୍କ ଅଭିଭାଷଣ ରେ କହିଥିଲେ l ଆଗାମୀ ଦିନରେ ଓକିଲସଂଘ ର କିଭଳି ପାଣ୍ଠି ବୃଦ୍ଧି ହେବ ଓ ନୂତନ ବାରବୟ ନିଯୁକ୍ତି ହେବ ସେନେଇ ଉପସଭାପତି ଶ୍ରୀ ପାଣିଗ୍ରାହୀ ମତବ୍ୟକ୍ତ କରିଥିଲେ l ସହ ନିର୍ବାଚନ ଅଧିକାରୀ ରାମଚନ୍ଦ୍ର କର୍ଣ୍ଣ ଧନ୍ୟବାଦ ଅର୍ପଣ କରିଥିଲେ l ଶେଷରେ ସଭାପତି ଶ୍ରୀ ମହାପାତ୍ର ଙ୍କ ସହ ଅନ୍ୟ କର୍ମକର୍ତ୍ତାମାନେ ଓକିଲସଂଘ କାର୍ଯ୍ୟାଳୟ ଠାରେ ଥିବା କୂଳବୃଦ୍ଧ ମଧୁସୂଦନ ଦାସ ଙ୍କ ପ୍ରତିମୂର୍ତ୍ତି ରେ ମାଲ୍ୟାର୍ପଣ କରିଥିଲେ l
