ଠାକୁରଗଡ଼,୨୧.୦୯(ବୁଲୁ ଦଳେଇ):ଆଠମଲ୍ଲିକ ବ୍ଲକ ଠାକୁରଗଡ଼ ଗ୍ରାମ ପୁରୁଣା ପାଣି ର ଜଗଦା ନନ୍ଦ ସାହୁ (୮୨) ଙ୍କ ଶୁକ୍ରବାର ରାତ୍ର ୯ ଘଟିକା ବେଳେ ପରଲୋକ ଘଟିଛି। ଶୁକ୍ରବାର ଦିନ ସେ ଅସୁସ୍ଥ ଅନୁଭବ କରିବାରୁ ତାଙ୍କୁ ତୁରନ୍ତ ଭୁବନେଶ୍ୱର ର ଏକ ଘରୋଇ ହସ୍ପିଟାଲରେ ରେ ଭର୍ତ୍ତି କରାଯାଇଥିଲା। ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି। ମୃତ୍ୟୁ ଖବର ପାଇବା ପରେ ତାଙ୍କ ପୁରୁଣା ପାଣି ବାସଭବନ ରେ ବନ୍ଧୁ ବାନ୍ଧବ ଓ ଆତ୍ମୀୟ ସ୍ୱଜନ ଙ୍କ ଭିଡ଼ ଲାଗିରହିଥିଲା। ମୃତ୍ୟୁ ଶଯ୍ୟା ନିକଟରେ ସ୍ତ୍ରୀ,୨ ପୁଅ ,୨ ବୋହୂ, ମାଆ, ନାତି ନାତୁଣୀ ଓ ସାନ ଭାଇ ମାନେ ଉପସ୍ଥିତ ଥିଲେ। ଶନିବାର ସକାଳେ ତାଙ୍କ ମର ଶରୀରକୁ ଗ୍ରାମ ପରିକ୍ରମା କରି ଗ୍ରାମ ଶ୍ମଶାନ ରେ ଶେଷକୃତ୍ୟ ସମ୍ପନ୍ନ ହୋଇଛି। ତାଙ୍କ ବିୟୋଗ ରେ ଆଠମଲ୍ଲିକ ବିଧାୟକ ନଳିନୀ କାନ୍ତପ୍ରଧାନ, ପୂର୍ବତନ ବିଧାୟକ ରମେଶ ଚନ୍ଦ୍ର ସାୟ, ଠାକୁରଗଡ଼ ସରପଞ୍ଚ ଚାରୁଲତା ମିଶ୍ର ପ୍ରମୁଖ ଗଭୀର ଶୋକ ବ୍ୟକ୍ତ କରିବା ସହ ଶୋକ ସଂତପ୍ତ ପରିବାର କୁ ସମବେଦନା ଜଣାଇଛନ୍ତି। ସୂଚନା ଯୋଗ୍ୟ ସ୍ବର୍ଗତ ସାହୁ ୧୯୭୧ମସିହାରୁ ୨୦୦୮ ମସିହା ପର୍ଯ୍ୟନ୍ତ ଠାକୁରଗଡ଼ ଗ୍ରାମ ପଞ୍ଚାୟତ ର ସମ୍ପାଦକ ଭାବରେ କାର୍ଯ୍ୟ କରି ଅବସର ଗ୍ରହଣ କରିଥିଲେ।
