ଦାରିଙ୍ଗବାଡ଼ି,୨୦/୮(ତରଣୀ ସାହୁ): ଦାରିଙ୍ଗବାଡ଼ି ତହସିଲ ପକ୍ଷରୁ ସିଆଙ୍ଗବାଲି ଗ୍ରାମ ପଞ୍ଚାୟତ ପରିସରରେ ରାଜସ୍ୱ ମେଳା ଅନୁଷ୍ଠିତ ହୋଇଛି। ଏଥିରେ ତହସିଲଦାର ଶରତ ଶବର ଉପସ୍ଥିତ ରହି ସିଆଙ୍ଗବାଲି ଗ୍ରାମ ପଞ୍ଚାୟତର ସିଆଙ୍ଗବାଲି, ବ୍ରାହାସାଲକା, କୁଏରାଙ୍ଗା, ମାର୍ଦିପଙ୍କା, କୁସିପାଙ୍କା, କାକାମାହା ଗ୍ରାମର ୭୩ ଜଣଙ୍କୁ ଜଙ୍ଗଲଜମି ପଟା ବଣ୍ଟନ କରିଥିଲେ । ଏଥି ସହିତ ମେଳାରେ ତହସିଲଦାର ଜଙ୍ଗଲ ଜମି ଅଧିକାର ଆଇନ, ରାଜସ୍ବ ବିଭାଗରେ ରହିଥିବା ବିଭିନ୍ନ ଯୋଜନା ଓ କେଉଁ ଯୋଜନାରେ କଣ ସବୁ ସୁବିଧା ରହିଛି ସେସମ୍ପର୍କ ରେ ଆଲୋଚନା କରି ସଚେତନ କରିଥିଲେ । ରାଜସ୍ବ ବିଭାଗରେ କେଉଁ ପ୍ରମାଣ ପାତ୍ର ପାଇବା ପାଇଁ ଦରଖାସ୍ତ ର କେତେ ଦିନରେ ପାଇବେ ସେନେଇ ମଧ୍ୟ ସୂଚନା ପ୍ରଦାନ କରିଥିଲେ। କାର୍ଯ୍ୟକ୍ରମରେ ଦାରିଙ୍ଗବାଡି ରାଜସ୍ବ ନିରୀକ୍ଷକ ସୁବ୍ରତ ମଲିକ,ଜଙ୍ଗଲ ଜମି ସେଲର ସଂଯୋଜକ ସଲ୍ୟ ପ୍ରଧାନ, ଅମିନ କାଶୀନାଥ ପ୍ରଧାନ,ପ୍ରଦାନ ଅନୁଷ୍ଠାନ ପ୍ରତିନିଧି ଡମ୍ବୃଧର ଦିଗାଲ , ସରପଞ୍ଚ ଆନ୍ଦ୍ରିକ ପ୍ରଧାନ ପ୍ରମୁଖ ଉପସ୍ଥିତ ଥିଲେ।
