ଦାରିଙ୍ଗବାଡି,୨୯/୭(ତରଣୀ ସାହୁ): ଦାରିଙ୍ଗବାଡି ବ୍ଲକ ସଭାଗୃହ ଠାରେ ସାମାଜିକ ସୁରକ୍ଷା ଓ ଭିନ୍ନକ୍ଷମ ଶସକ୍ତ ବିଭାଗ ପକ୍ଷରୁ ଶ୍ରବଣ ଶକ୍ତି ବାଧିତ ଦିବ୍ୟାଙ୍ଗ ଙ୍କୁ ଶ୍ରବଣ ଯନ୍ତ୍ର ବଣ୍ଟନ କରାଯାଇଥିଲା । ପୂର୍ବରୁ ଚୟନ ହୋଇଥିବା ୨୧ ଜଣ ଶ୍ରବଣ ବାଧିତ ଦିବ୍ୟାଙ୍ଗ ଙ୍କୁ ଉଚ୍ଚ ମାନର ଶ୍ରବଣ ଯନ୍ତ୍ର ପ୍ରଦାନ କରାଯାଇଥିଲା । ଏହି କାର୍ଯ୍ୟକ୍ରମରେ ଅତିଥି ଭାବେ ଜିଲ୍ଲା ପରିଷଦ କାର୍ଯ୍ୟନିର୍ବାହୀ ଅଧିକାରୀ ରତ୍ନାକର ସାହୁ ଯୋଗ ଦେଇ ଶ୍ରବଣ ଯନ୍ତ୍ର ବଣ୍ଟନ କରିଥିଲେ । ଏହାକୁ ବିଏସଏସଓ କ୍ଷେତିଶ୍ ପ୍ରିୟଦର୍ଶି ସାହୁ ଙ୍କ ତତ୍ୱାବଧାନ କ୍ରମେ ହୋଇଥିବା ବେଳେ ଡିଏସଏସଓ ମୈତ୍ରୀ ଶତପଥୀ,ଫୁଲବାଣୀ ବିଏସଏସଓ ପ୍ରମୋଦ ବଡସେଠ ପ୍ରମୁଖ ଯୋଗ ଦେଇଥିଲେ ।
