ଦାରିଙ୍ଗବାଡି,୨୯/୭(ତରଣୀ ସାହୁ): ଦାରିଙ୍ଗବାଡି ପୋଲିସ ଡୁଲୁରି ଠାରେ ଚଢଉ କରି ସ୍କୁଟି ସହ ୫ କିଲୋ ୧୦୦ ଗ୍ରାମ ଗଞ୍ଜେଇ ଜବତ କରିବା ସହ ଜଣେ ଯୁବକ ଙ୍କୁ ଗିରଫ କରିଥିବା ଥାନା ଅଧିକାରୀ ଆନନ୍ଦ ଚନ୍ଦ୍ର ପାତ୍ର ସୂଚନା ଦେଇଛନ୍ତି । ଗିରଫ ଯୁବକ ହେଲେ ଗଜପତି ଜିଲ୍ଲା ମୋହନା ଅଞ୍ଚଳର କୁନା ବିଷୋୟୀ । ରବିବାର ଦିନ କୁନା ସ୍କୁଟି ରେ ଗଞ୍ଜେଇ ନେଇ ମୋହନା ଅଞ୍ଚଳକୁ ଯାଉଥିବା ବେଳେ ପୋଲିସ ବିଶେଷ ସୂତ୍ର ରୁ ଖବର ପାଇଁ ଏସଆଇ ବାସନ୍ତୀ ବେହେରା, ଏଏସଆଇ ପି. ଶ୍ରୀନିବାସ ରାଓ ସହ ପୋଲିସ ଫୋର୍ସ ପିଛା କରି ଡୁଲୁରି ଠାରେ ଚଢଉ କରି ଗଞ୍ଜେଇ ସହ ସ୍କୁଟି ଜବତ କରିଥିଲେ । ପୋଲିସ ଏନେଇ ମାମଲା ନମ୍ୱର ୧୧୮/୨୪ ରୁଜୁ କରିଥିବା ବେଳେ ଏସଆଇ ଜୀତେନ୍ଦ୍ର ବେହେରା ଏହାର ଅଧିକ ତଦନ୍ତ କରୁଛନ୍ତି ।
