ଢେଙ୍କାନାଳ,୧୨.୦୭(ଶୁଭମ ପାଣି):ଶ୍ରୀ ଗୁଣ୍ଡିଚା ଭଜନ ସମାରୋହ ଷଷ୍ଠ ସନ୍ଧ୍ୟା । ଢେଙ୍କାନାଳ ବାଜିଚୈକ ସ୍ଥିତ ଶ୍ରୀ ଗୁଣ୍ଡିଚା ଭଜନ ସମାରୋହ ଆଜି ଷଷ୍ଠ ଦିବସରେ ମୁଖ୍ୟଅତିଥି ଭାବେ ପୂର୍ବତନ ସାଂସଦ ମହେଶ ସାହୁ ,ସମ୍ମାନିତ ଅତିଥି ସଦାଶିବ ସେଠୀ , ସମାଜସେବୀ ରାଜକିଶୋର ବେହେରା , ସାମ୍ବାଦିକ ସଦାଶିବ ମହାପାତ୍ର ଉପସ୍ଥିତ ରହି ଷଷ୍ଠ ସନ୍ଧ୍ୟାକୁ ପ୍ରଦିପ ପ୍ରଜ୍ବଳନ କରି ଶୁଭ ଉଦ୍ଘାଟନ କରିଥିଲେ। ଷଷ୍ଠ ଦିବସରେ କଣ୍ଠଶିଳ୍ପୀ ରଶ୍ମି ରଂଜନ ପଣ୍ଡାଙ୍କୁ ସମ୍ବର୍ଦ୍ଧନା କରାଯାଇଥିଲା। ଷଷ୍ଠ ସନ୍ଧ୍ୟାରେ ସୁରସାଗର ଭଜନ ସନ୍ଧ୍ୟା ପକ୍ଷରୁ ଭଜନ ପରିବେଷଣ କରିଥିଲେ। କଣ୍ଠ ଶିଳ୍ପୀ ସ୍ମରଣୀକା ନନ୍ଦ, ସଂଞ୍ଜିତା ପାତ୍ର, ଶୁଶ୍ରୀୟା ଓ ଅନ୍ୟାନ୍ୟ କଣ୍ଠ ଶିଳ୍ପୀ ସଙ୍ଗୀତ ପରିବେଶଣ କରିଥିଲେ। ସଭାପତି ରୁଦ୍ରାନ୍ତ କୁମାର ଦଳେଇ, ସମ୍ପାଦକ ମହମ୍ମଦ ସାଗରି, ଉପଦେଷ୍ଟା ସଂଗ୍ରାମ କେଶରୀ ପାଣି, ମଞ୍ଚ ପରିଚାଳନା ଅବନୀ କୁମାର ମିଶ୍ର ଓ ଧନ୍ୟବାଦ ଅର୍ପଣ କରିଥିଲେ କୋଡିନେଟର ସତ୍ୟନାରାୟଣ କର ଏବଂ କମିଟି ର ସମସ୍ତ ସଦସ୍ୟଙ୍କ ଉପସ୍ଥିତ ରେ ଏହି ସମାରୋହ ଉତ୍ସବ ପାଳିତ ହୋଇଯାଇଛି। ଅତିଥିମାନେ କହିଥିଲେ ଶ୍ରୀ ଗୁଣ୍ଡିଚା ଭଜନ ସମାରୋହ ଆଗକୁ ଆହୁରି ଉତ୍ତରାତ୍ତର ଉନ୍ନତି କରୁ। ଆଗରୁ ଏ ଗଛ ଛୋଟ ଥିଲା ପଚିଶ ବର୍ଷରେ ପହଞ୍ଚିଲାଣି ଆଗକୁ ଶହେ ବର୍ଷ ଜୁବୁଲିହେବ।
