ଢେଙ୍କାନାଳ,(ଶୁଭମ ପାଣି): ଢେଙ୍କାନାଲ ସହର ମାଣ୍ଡବାସାହିସ୍ଥିତ ଶ୍ରୀଚୈତନ୍ୟଜୀଉ ମନ୍ଦିର ପ୍ରାଙ୍ଗଣରେ ୫୮ତମ ଅଷ୍ଟପ୍ରହର ନାମଯଜ୍ଞ ଉଦ୍ଯାପିତ ହୋଇଯାଇଅଛି। ଗତ ୧୬ ତାରିଖରୁ ଆରମ୍ଭ ହୋଇଥିବା ଏହି ନାମଯଜ୍ଞ ଅଦ୍ୟ ୧୮ ତାରିଖ ଗୁରୁବାର ନଗରକୀର୍ତନ ଓ ଦହାଣ୍ଡି ଭଙ୍ଗାଯାଇ ଉଦ୍ଯାପନ କରାଯାଇଥିଲା । ଏହି ନାମଯଜ୍ଞରେ ୧୦ଟି ସଂକୀର୍ତନ ମଣ୍ଡଳୀ ଯୋଗ ଦେଇଥିବାବେଳେ ବିଶେଷ ଆକର୍ଷଣ ଥିଲା ଛାଟିଆ ଓ ଡେଙ୍ଗବୋରେଇ ମହିଳା ସଂକୀର୍ତନ ମଣ୍ଡଳୀର ପରିବେଷଣ । ପୂଜକ ଜଗନ୍ନାଥ ତ୍ରିପାଠୀଙ୍କ ଦ୍ବାରା ସମସ୍ତ ପୂଜା ସମାପନ ହୋଇଥିଲା । ଉକ୍ତ କାର୍ଯ୍ୟକ୍ରମକୁ ସଭାପତି ନିରାକାର ସାହୁ, ଉପସଭାପତି ରଞ୍ଜନ କୁମାର ଦାସ, ସଂପାଦକ ନୃସିଂହ ଚରଣ ସାହୁ, ସହ-ସମ୍ପାଦକ ବିଚିତ୍ରାନନ୍ଦ ସାହୁ, କୋଷାଧ୍ୟକ୍ଷ ବିଷ୍ଣୁ ଚରଣ ସାହୁଙ୍କ ସମେତ ସମସ୍ତ ସଭ୍ୟମାନଙ୍କ ସହଯୋଗରେ କାର୍ଯ୍ୟ ସମ୍ପାଦନ କରାଯାଇଅଛି ।
