ଆଠମଲ୍ଲିକ,୦୫/୦୩(ବୁଲୁ ଦଳେଇ):ପ୍ରବାଦ ପୁରୁଷ ବିଜୁ ପଟ୍ଟନାୟକ ଙ୍କ ଜନ୍ମ ଜୟନ୍ତୀ ଆଠମଲ୍ଲିକ ବିଧାନ ସଭା ନିର୍ବାଚନ ମଣ୍ଡଳୀ ର ବିଭିନ୍ନ ଅଞ୍ଚଳ ରେ ମହାସମାରୋହରେ ପାଳିତ ହୋଇ ଯାଇଛି। ବିଧାୟକ ରମେଶ ଚନ୍ଦ୍ର ସାୟ ଙ୍କ ଦ୍ଵାରା ଆଠମଲ୍ଲିକ ରେ ଥିବା ବିଜୁ ବାବୁଙ୍କ ପ୍ରତିମୂର୍ତ୍ତୀରେ ମାଲ୍ୟାର୍ପଣ କରିବା ପରେ ଆଠମଲ୍ଲିକ ଡାକ୍ତର ଖନା ରେ ରୋଗୀ ମାନଙ୍କୁ ଫଳ ବଣ୍ଟନ କରିବା ସହ ଆଶ୍ରମ ବିଦ୍ୟାଳୟ ର ଅନ୍ତେବାସୀ ମାନଙ୍କୁ ମିଷ୍ଟାନ୍ନ ବଣ୍ଟନ କରିଥିଲେ। ପରେ କିଶୋର ନଗର୍ ବ୍ଲକ୍ ର ବବର୍ଟି ପଲ୍ଲୀ ରେ ଏକ ସାଇକେଲ ଶୋଭା ଯାତ୍ରା କରି ଏକ ସାଧାରଣ ସଭାରେ ଯୋଗ ଦେଇଥିଲେ। ବିଜୁ ପଟ୍ଟନାୟକ ସାହସିକତା, ବିରତ୍ଵ ଓ ଓଡ଼ିଶାରେ ମୁଖ୍ୟମନ୍ତ୍ରୀ ଥିବା ବେଳେ ଆରମ୍ଭ କରିଥିବା ପଞ୍ଚାୟତି ରାଜ ବ୍ୟବସ୍ଥା ର ମୂଳ ଦୁଆ ତାଙ୍କୁ ସର୍ବଦା ଅମର ରଖିବ ବୋଲି ଆଶା ବ୍ୟକ୍ତ କରିଥିଲେ। ଏହି ସଭାରେ ଆଠମଲ୍ଲିକ ବ୍ଲକ ବିଜେଡ଼ି ସଭାପତି ବୃନ୍ଦାବନ ସାହୁ, ବିଧାୟକ ଙ୍କ ପ୍ରତିନିଧି ନିରଞ୍ଜନ ରଣା, କାଳନ୍ଦୀ ଚରଣ ପ୍ରଧାନ, ବର୍ଷୀୟାନ ବିଜେଡ଼ି ନେତା ଧବଳେଶ୍ଵର ପ୍ରଧାନ, ସଚି ମହାନ୍ତି, ତରନିସେନ୍ ନାୟକ, ଚୌଧୁରୀ ଚରଣ ସାୟ, ସୁନ୍ୟବସି ଦଳବେହେରା ପ୍ରମୁଖ ଯୋଗ ଦେଇ ବିଜୁ ପଟ୍ଟନାୟକଙ୍କ ବୀରତ୍ୱର ଗାଥା ବଖାଣି ଥିଲେ। ଏଥିରେ ବହୁ ସଂଖ୍ୟାରେ ବିଜେଡ଼ି କର୍ମୀ ଯୋଗ ଦେଇଥିଲେ।
