ଭୁବନେଶ୍ବର -: ଆଜି ଚ଼େତନା ଅନୁଷ୍ଠାନ ର ଅଷ୍ଟମ ଆଲୁମିନି ମିଟ୍ ଚ଼େତନା କ୍ୟାମ୍ପସ ପରିସରରେ ଅନୁଷ୍ଠିତ ହୋଇଯାଇଛି। ଏହି ପରିପ୍ରେକ୍ଷୀରେ ଏକ ସଭାର ଆୟୋଜନ ହୋଇଥିଲା।ସଭାରେ ଜୁଏଲ ଇଣ୍ଟରନ୍ୟାସନାଲ ର ଉପସଭାପତି ପ୍ରଫେସର ଶ୍ରୀ ବସନ୍ତ କୁମାର ଦାଶ ଓ ସଂପାଦକ ଶ୍ରୀ ନାରାୟଣ ଚ଼ନ୍ଦ୍ର ପତି ଯୋଗ ଦେଇ ଥିଲେ। ପ୍ରାରମ୍ଭରେ ଉତ୍କଳ ଜାତୀୟ ସଙ୍ଗୀତ ବନ୍ଦେ ଉତ୍କଳ ଜନନୀ ଗାନ କରାଯାଇଥିଲା ଏବଂ ଆଲୁମିନିର ଯେଉଁ ସଦସ୍ୟଙ୍କ ବିୟୋଗ ହୋଇଛି, ତାଙ୍କ ସ୍ମୃତି ଉଦ୍ଦେଶ୍ୟରେ ଦୁଇ ମିନିଟ ନୀରବ ପ୍ରାର୍ଥନା କରାଯାଇଥିଲା। ଚ଼େତନା ଆଲୁମିନି ଆସୋସିଏସନ ର ଆଗାମୀ କାର୍ଯ୍ୟକ୍ରମ ବିଷୟରେ ସବିଶେଷ ଆଲୋଚ଼ନା ହୋଇଥିଲା ଏବଂ ପୂର୍ବ ପଦାଧିକାରୀ ମାନଙ୍କୁ ପରିବର୍ତ୍ତନ କରି ନୂତନ ଯୁବ ନେତୃତ୍ବ ଆସୋସିଏସନ୍ ର ସଭାପତି ଭାବେ ଶ୍ରୀ ଆୟୁଷ୍ମାନ ଚୋୖଧୁରୀ, ଉପସଭାପତି ଶ୍ରୀ ଦେବାଶିଷ ପତି, ସମ୍ପାଦିକା ଶ୍ରୀମତୀ ମୈତ୍ରୀ ମମତା ପଣ୍ଡା, ଯୁଗ୍ମ ସମ୍ପାଦିକା ଶ୍ରୀମତୀ ଦୀପାଳି ସାହୁ ଓ କୋଷାଧ୍ୟକ୍ଷ ଶ୍ରୀ ଲଲାଟେନ୍ଦୁ କର ଙ୍କୁ ମନୋନୀତ କରାଯାଇଥିଲା।ଏଥିରେ ଚ଼େତନା ଆଲୁମିନି ର ବହୁ ସଦସ୍ୟ ସଦସ୍ୟା ଗଣ ଉପସ୍ଥିତ ଥିଲେ ଓ ମଧ୍ୟାହ୍ନ ଭୋଜନ ପରେ ସଦସ୍ୟ ମାନଙ୍କ ଦ୍ବାରା ସାଂସ୍କୃତିକ କାର୍ଯ୍ୟକ୍ରମ, ମ୍ୟୁଜିକ ଚ଼େୟାର ଓ ଅନ୍ତାକ୍ଷରୀ ପ୍ରତିଯୋଗିତା ସହ ବିଭିନ୍ନ କାର୍ଯ୍ୟକ୍ରମ କରାଯିବା ସହ ହର୍ଷୋଲ୍ଲାସ ଭିତରେ କାର୍ଯ୍ୟକ୍ରମ ସମାପନ କରାଯାଇଥିଲା।
