ଆଠମଲ୍ଲିକ,୦୩/୦୩(ବୁଲୁ ଦଳେଇ):ଆଠମଲ୍ଲିକ ନିର୍ବାଚନ ମଣ୍ଡଳୀ ର ଆଠମଲ୍ଲିକ ସ୍ୱାଭିମାନ ମଞ୍ଚର ଆବାହକ ସମାଜ ସେବୀ ଅର୍ଜୁନ ସାହୁ ଗତ ବୁଧବାର ଦିନ ଦିଲ୍ଲୀରେ ଶିକ୍ଷା, ଦକ୍ଷତା ଓ ଉଦ୍ୟମୀତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଉପସ୍ଥିତି ରେ ବିଜେପି ରେ ଯୋଗଦେବା ପରେ ଆଜି ଆଠମଲ୍ଲିକ ମହାନଦୀ ସେତୁ ଠାରୁ ମା ମାହେଶ୍ୱରୀ ମନ୍ଦିର ପର୍ଯ୍ୟନ୍ତ ନିଜ ଶହ ଶହ ସମର୍ଥକ ଙ୍କୁ ଧରି ଏକ ବିଶାଳ ଶୋଭାଯାତ୍ରା ରେ ପହଞ୍ଚି ମାଆ ଙ୍କ ଆଶୀର୍ବାଦ କାମନା କରି ଥିଲେ। ଏଥିରେ ବିଜେପି ଅନୁଗୁଳ ଜିଲ୍ଲା ସଭାପତି ଦିଲେଶ୍ୱର ସାହୁ, ଜିଲ୍ଲା ସମ୍ପାଦକ ବିଶ୍ୱଜିତ୍ ମିଶ୍ର, ଅଜିତ୍ ପ୍ରଧାନ, ପ୍ରସନ୍ନ କୁମାର ସାହୁ, ପ୍ରକାଶ କୁମାର ସେଠୀ ପ୍ରମୁଖ ଯୋଗ ଦେଇ ବିଜେପି ରେ ଅର୍ଜୁନ ଙ୍କ ଯୋଗ ଦେଇ ସ୍ବାଗତ ଜଣାଇବା ସହ 2024 ନିର୍ବାଚନ ରେ ଦଳ ଆଠମଲ୍ଲିକ ତଥା ସମ୍ବଲପୁର ଲୋକସଭା କ୍ଷେତ୍ର ରେ ବିଜୟୀ ହେବ ବୋଲି ଦୃଢୋକ୍ତି ପ୍ରକାଶ କରିଥିଲେ।
