ଠାକୁରଗଡ଼,ଆଠମଲ୍ଲିକ,୧୫/୦୧(ବୁଲୁ ଦଳେଇ):- ଆଠମଲ୍ଲିକ ବ୍ଲକ ଆମ୍ବସର୍ମୁଣ୍ଡା ଠାରେ ଦୀର୍ଘ ତିନି ଦିନ ଧରି ଚାଲିଥିବା ଅଖିଳ ଭାରତୀୟ ଗୋଣ୍ଡ଼ ୱନା ସମାଜ ର ଜଙ୍ଘ ବଡ଼ ଦେଓ ମନ୍ଦିର ରେ ରୀତି ନୀତି ଅନୁଯାୟୀ ପୂଜା ପାଠ ହୋମ ଯଜ୍ଞ ସହିତ ବିଗ୍ରହ ପ୍ରତିଷ୍ଠା କାର୍ଯ୍ୟ ସମ୍ପନ୍ନ ହୋଇ ଯାଇଛି। ଏଥିରେ କର୍ତ୍ତା ଭାବେ ପେନ୍ଥାନା ର ସଭାପତି ତଥା ଆଠମଲ୍ଲିକ ବିଧାୟକ ରମେଶ ଚନ୍ଦ୍ର ସାୟ ଓ ତାଙ୍କ ସହଧର୍ମିଣୀ ଲିନା ସାୟ ଦାୟିତ୍ଵ ନିର୍ବାହ କରିଥିଲେ। ଅନ୍ୟ ମାନଙ୍କ ମଧ୍ୟରେ ଗୋଣ୍ତ ୱାଣା ସମାଜ ର ରାଜ୍ୟ ମହା ସଚୀବ ପ୍ୟାରୀ ମୋହନ ନାୟକ, ସଭାପତି ସଦାଶିବ ନାୟକ, ମହିଳା ନେତ୍ରୀ ସଭାପତି ଦମୟନ୍ତୀ ମହାପାତ୍ର, ସମ୍ପାଦିକା ଶୈଳବାଳା ନାୟକ ପ୍ରମୁଖ ମଞ୍ଚଷିନ ରହି ଗୋଣ୍ଡ ଜାତିର ସାମାଜିକ ପ୍ରସ୍ଥିତି ଓ ଚଳନି ଉପରେ ସାର ଗର୍ଭକ ବକ୍ତବ୍ୟ ପ୍ରଦାନ କରିଥିଲେ। ସବୁଠାରୁ ରୋଚକ ଖବର ହେଲା ବିନା ନିମନ୍ତ୍ରଣ ରେ ନିଜର ରାଜନୈତିକ ପତିଆରା ଦେଖାଇବା ପାଇଁ ଗତ ଥର ର ବିଜେଡ଼ି ପକ୍ଷରୁ ସମ୍ବଲ୍ ପୁର ଲୋକସଭା କ୍ଷେତ୍ରରୁ ପରାଜିତ ସାଂସଦ ପ୍ରାର୍ଥୀ ନଳିନୀ କାନ୍ତ ପ୍ରଧାନ ଏକ ବିରାଟ ବାଇକ୍ ରାଲିରେ ଠାକୁରଗଡ଼ ଖେଳପଡ଼ିଆ ଠାରୁ ନିମନ୍ତ୍ରିତ ହୋଇଥିବା ରାଜ୍ୟ ଖଣି ଓ ଇସ୍ପାତ ମନ୍ତ୍ରୀ ପ୍ରଫୁଲ୍ଲ ମଲ୍ଲିକ, ଆଦିବାସୀ କଲ୍ୟାଣ ମନ୍ତ୍ରୀ ଜଗନ୍ନାଥ ସାରକା, ଅନୁଗୁଳ ବିଧାୟକ ରଜନୀ କାନ୍ତ ସିଂହ, ଛେଣ୍ଡିପଦା ବିଧାୟକ ସୁଶାନ୍ତ ବେହେରା, ତାଳଚେର ବିଧାୟକ ବ୍ରଜ କିଶୋର ପ୍ରଧାନ, ଜିଲ୍ଲା ପରିଷଦ ଅଧ୍ୟକ୍ଷା ବବିତା ପ୍ରଧାନ ଙ୍କୁ ସାଙ୍ଗରେ ଧରି ସାଉଣ୍ଡ ଗାଡ଼ି ଧରି ନବୀନ ପଟ୍ଟନାୟକ ଜିନ୍ଦାବାଦ, ଆଠମଲ୍ଲିକ ର ବିକାଶ ପୁରୁଷ ନଳିନୀ ପ୍ରଧାନ, ହେ ନଳିନୀ ବାବୁ ଆମେ ତୁମ ଫ୍ୟାନ୍ ବଜାଇ ମନ୍ଦିର ସମ୍ମୁଖ ରେ ପହଁଚିବା ବେଳେ ଭବ୍ୟ ସ୍ଵାଗତ ଜଣାଇବା ପାଇଁ ଅପେକ୍ଷା କରି ଥିବା ଗୋଣ୍ଡୱାନଆ ସମାଜ ର ସେବା ଦଳ ଛିଡ଼ା ହୋଇ ଥିବା ବେଳେ ନଳିନୀ ଙ୍କ ସମର୍ଥକ ମାନେ ନିଜସ୍ୱ ଶୈଳୀରେ ଅଭିନନ୍ଦନ ଜଣାଇବା ପାଇଁ ଫୁଲ ତୋଡା ଦେଇ ଅତିଥି ମାନଙ୍କୁ ସ୍ଵାଗତ କରିଥିଲେ। ଯାହାକୁ ନେଇ ସେବା ଦଳ ଓ ନଳିନୀ ଗୋଷ୍ଠୀ ମଧ୍ୟରେ ଧସ୍ତାଧସ୍ତି ହୋଇଥିଲା। ପରେ ମନ୍ତ୍ରୀ ଦ୍ବୟ ମନ୍ଦିର ଭିତରେ ପହଞ୍ଚି ଆଶିଷ ଭିକ୍ଷା କରୁଥିବା ବେଳେ ନଳିନୀ ବାବୁ ମନ୍ତ୍ରୀ ଦ୍ୱାୟଙ୍କୁ ମନ୍ଦିର ରୁ ଟାଣି ଆଣି ଗାଡ଼ିରେ ବସାଇ ନିଜ ସମର୍ଥକ ଙ୍କ ସହିତ ଚାଲି ଯାଇଥିଲେ। ଧସ୍ତା ଧଷ୍ଟି ବେଳେ ସେବା କର୍ତ୍ତୃପକ୍ଷ ନଳିନୀ ପ୍ରଧାନ ଗୋ ବ୍ୟାକ୍ ନାରାବାଜି ଦେଇଥିଲେ। ଏହି ଖବର ଶୁଣିବା ପରେ ମହାସଚିବ ପ୍ୟାରୀ ମୋହନ ନାୟକ ଏକ ପ୍ରେସ ମିଟ ଡାକି କହି ଥିଲେ ଯେ, ଏହା ଏକ ସାମାଜିକ ଅନୁଷ୍ଠାନ ର ମନ୍ଦିର ରେ ବିଗ୍ରହ ପ୍ରତିଷ୍ଠା ଉତ୍ସବ ପାଳିତ ହୋଇ ଥିଲା। ଏହାକୁ ରାଜନୈତିକ ରଙ୍ଗ ଦେବା ପାଇଁ ନଳିନୀ ପ୍ରଧାନଙ୍କ ଏକ ହୀନ ପ୍ରୟାସ। ଆଗାମୀ ଦିନରେ ଏହାର ଜବାବ୍ ଆମେ ଗୋଣ୍ଡୱାନଆ ସମାଜ ନିଶ୍ଚିତ ଭାବରେ ଦେବୁ। ଏହି ଘଟଣାକୁ ନେଇ ରାଜନୀତି ଜୋର ଧରିଛି।
