ବାଲିଗୁଡା:(ସଞ୍ଜୟ କୁମାର ପାଣିଗ୍ରାହୀ): ଉତ୍କଳ ସାମ୍ବାଦିକ ସଂଘର କନ୍ଧମାଳ ଜିଲ୍ଲା ସଭାପତି ସନ୍ତୋଷ କୁମାର ଦାସଙ୍କ ସଭାପତିତ୍ୱରେ ଓଡିଶାର ପ୍ରମୁଖ ପର୍ଯ୍ୟଟନ ସ୍ଥଳୀ ଦାରିଙ୍ଗବାଡି ସ୍ଥିତ ଡୁଲୁରି ପାଇନବଣ ଠାରେ ଏକ ବନ୍ଧୁ ମିଳନ କାର୍ଯ୍ୟକ୍ରମ ହେବା ସହ ଦାରିଙ୍ଗବାଡି ବ୍ଲକ ସଂଘ ନିମନ୍ତେ ନୂତନ କର୍ମକର୍ତ୍ତା ଚୟନ ହୋଇଥିଲା । ଏଥିରେ ସର୍ବସମ୍ମତି କ୍ରମେ ଉତ୍କଳ ସାମ୍ବାଦିକ ସଂଘର ଦାରିଙ୍ଗବାଡି ବ୍ଲକ ସଭାପତି ଭାବେ ତରଣୀ କୁମାର ସାହୁ, ଉପସଭାପତି ଭାବେ ଲକ୍ଷ୍ମୀକାନ୍ତ ରାଜଗୁରୁ, ସମ୍ପାଦକ ଭାବେ ଅଶ୍ୱିନୀ ମନ୍ତ୍ରୀ, ସହ ସମ୍ପାଦକ ଭାବେ ବରୁଣ କୁମାର ସିଂ, କୋଷାଧ୍ୟକ୍ଷ ରାଜୀବ ମୁଠାମାଝୀଙ୍କୁ ମନୋନୀତ କରାଯାଇଥିବା ବେଳେ ଉପଦେଷ୍ଟା ଭାବେ ଜିଲ୍ଲା ଉପସଭାପତି ପ୍ରେମଚାନ୍ଦ ସିଂଙ୍କୁ ଚୟନ କରାଯାଇଥିଲା । ଉତ୍କଳ ସାମ୍ବାଦିକ ସଂଘରେ ନୂତନ ସଦସ୍ୟ ଭାବେ ସତ୍ୟାର୍ଥ ସିଂ ଯୋଗ ଦେଇଥିବାରୁ ତାଙ୍କୁ ଭବ୍ୟ ସମ୍ବର୍ଦ୍ଧନା କରାଯାଇ ପାଛୋଟି ନିଆଯାଇଥିଲା । ଏହି କାର୍ଯ୍ୟକ୍ରମରେ ଜିଲ୍ଲା କମିଟିର କୋଷାଧ୍ଯକ୍ଷ ସୁବାସ ଚନ୍ଦ୍ର ମହାରଣାଙ୍କ ସମେତ ଅନ୍ୟ ସଦସ୍ୟ ମାନେ ଉପସ୍ଥିତ ଥିଲେ । ଶେଷରେ ଜିଲ୍ଲା ସହ ସମ୍ପାଦକ ଅଶ୍ୱିନୀ ମନ୍ତ୍ରୀ ଧନ୍ୟବାଦ ଅର୍ପଣ କରିଥିଲେ।
