ରାୟଗଡା,(ଅମୁଲ୍ୟ ନିଶ):ରବିବାର ଦିନ ସ୍ଥାନୀୟ ବିଦ୍ୟୁତ କଲୋନୀ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ଜିଲ୍ଲା ପ୍ରାଥମିକ ଶିକ୍ଷକ ସଂଘ ପକ୍ଷରୁ ନିଖିଳ ଉତ୍କଳ ପ୍ରାଥମିକ ଶିକ୍ଷକ ଫେଡେରେସନ ପ୍ରତିଷ୍ଠା ଦିବସ ପାଳିତ ହୋଇଯାଇଛି। ଜିଲ୍ଲା ସଭାପତି ଅଜିତ କୁମାର ଚୌଧୁରୀ ଯୋଗଦେଇ ସଂଘୀୟ ପତାକା ଉତ୍ତୋଳନ କରିଥିଲେ। ରାଜ୍ୟ ସଂଘ ଉପସଭାପତି ନରେଶ ସିଂ, ରାଜ୍ୟ ଆଞ୍ଚଳିକ ସମ୍ପାଦକ ଦୀପକ କୁମାର ରାଉତ, ଜିଲ୍ଲା ସାଧାରଣ ସମ୍ପାଦକ ନୀଳାଚଳ ମିଶ୍ର, ସଂଗଠନ ସମ୍ପାଦକ ସାନନ୍ଦ ଚନ୍ଦ୍ର ବେନିଆ, କାର୍ଯ୍ୟକାରୀ ସମ୍ପାଦକ ମହେନ୍ଦ୍ର ବାଗ, ସଦର ବ୍ଳକ ସଭାପତି ସଦାନନ୍ଦ ନାଏକ, ଉପସଭାପତି ସୁଧାକର ଚୌଧୁରୀ, ଉତ୍ତମ କୁମାର ଜେନା ପ୍ରମୂଖ ଜିଲ୍ଲା ସ୍ତରୀୟ ଓ ବ୍ଳକ କର୍ମକର୍ତ୍ତା ଉପସ୍ଥିତ ଥିଲେ। ଜିଲ୍ଲାରେ ବିଭିନ୍ନ ଶିକ୍ଷା, ଶିକ୍ଷକ ଓ ଶିକ୍ଷାୟତନ ସମ୍ପର୍କିତ ସମସ୍ୟା ଗୁଡିକ ର ଆସୁ ସମାଧାନ କ୍ଷେତ୍ରରେ ସଂଘ ର କାର୍ଯ୍ୟକ୍ରମକୁ ଉପସ୍ଥିତ ସଦସ୍ୟ ପ୍ରସଂଶା କରିଥିଲେ। ଶିକ୍ଷକ ପଦୋନ୍ନତି ପ୍ରକ୍ରିୟା ଜିଲ୍ଲାରେ ବନ୍ଦ ଥିବାରୁ ଏହାର ତ୍ୱରାନ୍ୱିତ କରିବାକୁ ଅନେକ ଶିକ୍ଷକ ବୃନ୍ଦ ଶିକ୍ଷକ ସଂଘର ସହଯୋଗ କାମନା କରିଥିଲେ। ଆଗାମୀ ଦିନରେ ସମସ୍ତ ବର୍ଗର ଶିକ୍ଷକଙ୍କୁ ନେଇ ସଂଗଠନ ଅଧିକ ଦୃଢ କରିବା ନିମନ୍ତେ ପଦକ୍ଷେପମାନ ନିଆଯିବ ବୋଲି ସଭାପତି ଶ୍ରୀ ଅଜିତ କୁମାର ଚୌଧୁରୀ ପ୍ରକାଶ କରିଛନ୍ତି ।
