ଜୟପାଟଣା,୨୭/୧୧,(ମଳୟ କୁମାର ସାହୁ):- କଳାହାଣ୍ଡି ଜିଲ୍ଲା ଅନ୍ତର୍ଗତ ଜୟପାଟଣା ସ୍ଥିତ ବୋଇତ ବନ୍ଦାଣ ଉତ୍ସବ ବହୁ ଆଡମ୍ବର ସହକାରେ ପାଳିତ ହୋଇଯାଇଛି। ସକାଳ ୬ଟା ସମୟରେ ପୂଜକ ଶ୍ରୀଯୁକ୍ତ ଉଦୟନାଥ ସାହୁ ମା ସମଲେଇ ପୂଜା ଅର୍ଚ୍ଚନା କରିଥିଲେ ଏବଂ ସାସ୍କୃତିକ କାର୍ଯ୍ୟକ୍ରମ ପରେ ଅତିଥି ମାନଙ୍କୁ ସମ୍ୱର୍ଦ୍ଧିତ କରାଯାଇଥିଲା।କଳାହାଣ୍ଡି ଜିଲ୍ଲା କାର୍ଯ୍ୟକାରୀ ସଭାପତି ଶ୍ରୀଯୁକ୍ତ ଦିପଚନ ସାହୁ ମୁଖ୍ୟ ଅତିଥି ଭାବେ ଯୋଗଦେଇ ବୋଇତ ବନ୍ଦାଣ କୁ ଆନୁଷ୍ଠାନିକ ଭାବେ ଉଦ୍ଘାଟନ କରିଥିଲେ। ଅନ୍ୟତମ ସମ୍ମାନିତ ଅତିଥି ଭାବେ କଲମପୁର ବ୍ଲକ ସଭାପତି ଶ୍ରୀଯୁକ୍ତ କୃଷ୍ଣ ଚନ୍ଦ୍ର ସାହୁ, ଜୟପାଟଣା ମଣ୍ଡଳ ସଭାପତି ଶ୍ରୀଯୁକ୍ତ ଶଶି ଭୂଷଣ ସାହୁ, ମଙ୍ଗଳପୁର ମଣ୍ଡଳ ସଭାପତି ଶ୍ରୀଯୁକ୍ତ ପ୍ରସନ୍ନ କୁମାର ସାହୁ , ମୁଖିଗୁଡା ଗ୍ରାମ୍ୟ କମିଟି ଶ୍ରୀଯୁକ୍ତ ମୂରଲୀଧର ସାହୁ,ଜୟପାଟଣା ଗ୍ରାମ୍ୟ କମିଟି ସଭାପତି ଶ୍ରୀଯୁକ୍ତ ଗୌର ଚନ୍ଦ୍ର ସାହୁ,କଳାହାଣ୍ଡି ଉପଦେଷ୍ଟା କମିଟି ସଭ୍ୟ ଶ୍ରୀଯୁକ୍ତ ଯୁଗଳ କିଶୋର ସାହୁ ଓ ଶ୍ରୀଯୁକ୍ତ କାର୍ତ୍ତିକ ସାହୁ ତଥା ଜୟପାଟଣା ଗ୍ରାମ୍ୟ ର ଯୁବଗୋଷ୍ଠୀ , ମହିଳା ଓ ସାମାଜିକ ବ୍ୟକ୍ତି ଯୋଗ ଦେଇଥିଲେ। ହିନ୍ଦୁ ଧର୍ମର ବୋଇତ ବନ୍ଦାଣ ଉତ୍ସବର ପ୍ରଚାର ପ୍ରସାର ଏବଂ ପରମ୍ପରାକୁ ବଜାୟ ରଖିବା ପାଇଁ ଏହି କାର୍ଯ୍ୟକ୍ରମର ମୁଖ୍ୟ ଲକ୍ଷ୍ୟ ଥିଲା। ବୋଇତ ବନ୍ଦାଣ ଉତ୍ସବରେ କଳାହାଣ୍ଡି ଜିଲ୍ଲା କାର୍ଯ୍ୟକାରୀ ସଭାପତି ଶ୍ରୀଯୁକ୍ତ ଦୀପଚନ ସାହୁଙ୍କୁ ଜୟପାଟଣା ଅଞ୍ଚଳ ବାସୀ ଅଶେଷ ଅଶେଷ ଧନ୍ୟବାଦ ଜଣାଇବା ସହିତ ବହୁ ମାନ୍ୟଗନ୍ୟ ବ୍ୟକ୍ତି ଉପସ୍ଥିତ ଥିଲେ। ଶେଷ ରେ ଜୟପାଟଣା ନଗର ପରିକ୍ରମା କରି ଶିବ ମନ୍ଦିର ପଡ଼ା ବନ୍ଧ ରେ ବୋଇତ ଭସାଣି କରାଯାଇଥିଲା
