ବ୍ରହ୍ମପୁର:୫/୧୧(ଶ୍ରୀକାନ୍ତ କୁମାର ବେହେରା): ନିଖିଳ ଉତ୍କଳ ଖଡୁରା ସମାଜ କଲ୍ୟାଣ ପରିଷଦର ଏକ ଜିଲ୍ଲା ସ୍ତରୀୟ ସମ୍ମିଳନୀ ରଙ୍ଗୁଣୀବନ୍ଧ ସାହି ସ୍ଥିତ ଖଡୁରା କଲ୍ୟାଣ ମଣ୍ଡପ ଠାରେ ଅନୁଷ୍ଟିତ ହୋଇଛି l ଗଞ୍ଜାମ ସମେତ ଗଜପତି ଜିଲ୍ଲାର ପ୍ରାୟ ୨୦୦ ରୁ ଉର୍ଦ୍ଧ ସଦସ୍ୟ ମାନେ ଯୋଗଦେଇଥିଲେ,ପରିଷଦ ପକ୍ଷରୁ ସମସ୍ତ ସଦସ୍ୟ ମାନଙ୍କୁ ସମ୍ଭର୍ଦ୍ଧିତ କରଯାଇଥିଲା l ଖଡୁରା ସମାଜର କଲ୍ୟାଣ ସହ ଜାତୀର ବିକାଶ ଉପରେ ବିସ୍ତୃତ ଆଲୋଚନା କରାଯାଇଥିଲା l ପୁର୍ବରୁ ଖଡୁରା ସମାଜ ପକ୍ଷରୁ ରକ୍ତ ଦାନ ଶିବିର ସହ ବୃକ୍ଷ ରୋପଣ କାର୍ଯ୍ୟକ୍ରମ କରଯାଇଛି ଏବଂ ଆଗାମୀ ଦିନରେ ବିଭିନ୍ନ ସମାଜ କଲ୍ୟାଣ କାର୍ଯ୍ୟକ୍ରମ କରାଯିବାକୁ ଲକ୍ଷ୍ୟ ରଖାଯାଇଛି ବୋଲି ସଭାରେ ଆଲୋଚନା କରାଯାଇଥିଲା l ଆଗାମୀ ବୈଠକ ପୁରୁସ୍ତମପୁର ବ୍ଲକ ଅନ୍ତର୍ଗତ ପ୍ରତାପପୁର ଗ୍ରାମର ତୁମ୍ବେଶ୍ୱର ପୀଠରେ ଆୟୋଜିତ ପାଇଁ ସ୍ଥିର କରାଯାଇଥିଲା l ଆୟୋଜିତ ସମ୍ମୀଳନୀକୁ ବ୍ରହ୍ମପୁର ମହାନଗର ପେଣ୍ଠ ସଭାପତି ଚନ୍ଦ୍ର ଶେଖର ନାୟକ ସଭାପତିତ୍ବ କରିଥିବା ବେଳେ ପ୍ରଶାନ୍ତ କୁମାର ନାୟକ ବିବରଣୀ ପାଠ କରିଥିଲେ l ପରିଷଦର ତ୍ରିପତି ନାୟକ, ଅଶୋକ କୁମାର ନାୟକ, ସୂର୍ଯ୍ୟ ନାରାୟଣ ଦାସ କାର୍ଯ୍ୟକ୍ରମର ସଂଯୋଜୋଜନା କରିଥିବା ବେଳେ ଖଡୁରା ସମାଜର ବହୁ ସଦସ୍ୟ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ l
