ପୁରୁଷୋତ୍ତମପୁର,୩୦/୧୦(ସୁନିଲ କୁମାର ବେହେରା): ଛତ୍ରପୁର ଷ୍ଟାଡିୟମ ସ୍ଥିତ ଇନଡୋର ହଲରେ ଆୟୋଜିତ ଗଞ୍ଜାମ ଜିଲ୍ଲା ସ୍ତରୀୟ ଟାଏକୋଣ୍ଡୋ ପ୍ରତିଯୋଗିତାରେ ରନର୍ସ ଅପ ହୋଇଥିବା ପୁରୁଷୋତ୍ତମପୁର ଟାଏକୋଣ୍ଡୋ ଏକାଡେମୀର ପ୍ରଶିକ୍ଷାର୍ଥୀମାନଙ୍କୁ ସମ୍ବର୍ଦ୍ଧିତ କରାଯାଇଛି। ଏକାଡେମୀ ପକ୍ଷରୁ ପୁରୁଷୋତ୍ତମପୁରର ନରସିଂହ ଦାଶ ଉଚ୍ଚ ବିଦ୍ୟାଳୟ ପଡିଆରେ ଆୟୋଜିତ ଏକ ବର୍ଣ୍ଣାଢ୍ଯ କାର୍ଯ୍ୟକ୍ରମରେ ଖଲ୍ଲିକୋଟ ବିଧାୟିକା ସୂର୍ଯ୍ଯମଣି ବୈଦ୍ୟ ମୂଖ୍ଯ ଅତିଥି ଭାବେ ଯୋଗଦେଇ କୃତୀ ପ୍ରଶିକ୍ଷାର୍ଥୀଙ୍କୁ ସମ୍ବର୍ଦ୍ଧିତ କରିଥିଲେ। ରଘୁନାଥ ବେହେରାଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ ପୁରୁଷୋତ୍ତମପୁର ଏନଏସିର ଅଧ୍ୟକ୍ଷା ପ୍ରିୟଙ୍କା ଗୌଡ, ଗଞ୍ଜାମ ଜିଲ୍ଲା ଟାଏକୋଣ୍ତୋ ସଂଘ ସଭାପତି ଶ୍ରୀକାନ୍ତ ମହାନ୍ତି, ଏକାଡେମୀର କୋଚ ଇ ଲଳିତ କୁମାର, ବଡମାଧପୁର ଟାଏକୋଣ୍ଡୋ ଏକାଡେମୀର ଏସ ଯୁଧିଷ୍ଠିର ରେଡ୍ଡୀ, ଦିଗପହଣ୍ଡି ଏକାଡେମୀର କୋଚ ବାସୁ ନାୟକ, ବ୍ରହ୍ମପୁର ଏକାଡେମୀର କୋଚ ଜନୋଜ ମହାରଣା ଅତିଥିଭାବେ ମଞ୍ଚାସୀନ ଥିଲେ। ପୁରୁଷୋତ୍ତମପୁର ଏକାଡେମୀର ସଭାପତି ଗଜାନନ ବେହେରା ସମସ୍ତଙ୍କୁ ଧନ୍ଯବାଦ ଅର୍ପଣ କରିଥିଲେ।*ଗଞ୍ଜାମ ଜିଲ୍ଲାର ଟାଏକୋଣ୍ତୋ ର ସମ୍ପାଦକ କେ ମନୋଜ ପ୍ରଧାନ ଓ ଓଡ଼ିଶା ଟାଏକୋଣ୍ତୋ ର ସମ୍ପାଦକ ମନମୋହନ ଭଞ୍ଜ ସମସ୍ତ ପତିଯାଗି ଙ୍କୁ ଶୁଭେଛା ଜଣାଇଛନ୍ତି ।
