ଜୟପାଟଣା,( ମଳୟ କୁମାର ସାହୁ):-ଜୟପାଟଣା ବ୍ଲକ୍ ଗୋଷ୍ଠୀ ଶିକ୍ଷା ବିଭାଗ ଆନୁକୂଲ୍ୟରେ ସ୍ଥାନୀୟ ଉମାଶଙ୍କର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ବ୍ଲକ୍ ସ୍ତରୀୟ ଶିଶୁ ମହୋତ୍ସବ ସୁରଭି ଓ ଓଡ଼ିଶା ମିଲେଟସ୍ ପ୍ରତିଯୋଗିତା ଅନୁଷ୍ଠିତ ହୋଇଯାଇଅଛିI ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀ ପ୍ରେମନାରାୟଣ ପଣ୍ଡାଙ୍କ ଦ୍ୱାରା କାର୍ଯ୍ୟକ୍ରମଟି ଉଦଘାଟିତ ହୋଇଥିବା ବେଳେ ବ୍ଲକ୍ ଅନ୍ତର୍ଗତ ୧୨ ଟି କ୍ଲଷ୍ଟରରେ ଥିବା ସମସ୍ତ ପ୍ରକାର ବିଦ୍ୟାଳୟରୁ ପ୍ରାୟ ୪୦୦ ରୁ ଉର୍ଦ୍ଧ୍ବ ଛାତ୍ରଛାତ୍ରୀ ୨୭ ଗୋଟି ପ୍ରତିଯୋଗିତାରେ ଅଂଶଗ୍ରହଣ କରିଥିଲେ I
ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀ ପଣ୍ଡାଙ୍କ ସଭାପତିତ୍ୱରେ ଆୟୋଜିତ ଉଦଯାପନୀ ସଭାରେ ମାନ୍ୟବର ବିଧାୟକ ଲାଞ୍ଜିଗଡ଼ ଶ୍ରୀ ପ୍ରଦୀପ କୁମାର ଦିଶାରୀ ,ମୁଖ୍ୟ ଅତିଥି ଭାବରେ ଯୋଗଦାନ କରିଥିବାବେଳେ ବରିଷ୍ଠ ସାମ୍ବାଦିକ ତଥା ସମାଜସେବୀ ଶ୍ରୀ ଶେଷଦେବ ବେହେରା ମୁଖ୍ୟ ବକ୍ତା ଓ ସାମ୍ବାଦିକ ଶ୍ରୀ ପ୍ରାଣରଞ୍ଜନ ବେହେରା, ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀ ଟିକେଚନ୍ଦ୍ର ମାଝୀ, ଶ୍ରୀ ସୁରେନ୍ଦ୍ର ମୋହନ ଯୋଶୀ, ଶ୍ରୀ ପ୍ରଭାତ କୁମାର ଖମାରୀ,ବ୍ଲକ୍ ପ୍ରାଥମିକ ଶିକ୍ଷକ ସଂଘ ସଭାପତି ଶ୍ରୀ ବିଜୟ କୁମାର ଯୋଶୀ,ସମ୍ପାଦକ ଶ୍ରୀ ଲଳିତ କୁମାର ନାଏକ ପ୍ରମୁଖ ସମ୍ମାନିତ ଅତିଥି ଭାବରେ ମଞ୍ଚାସୀନ ହୋଇ କୃତି ପ୍ରତିଯୋଗୀମାନଙ୍କୁ ପୁରସ୍କାର ପ୍ରଦାନ କରିଥିଲେ ଏବଂ ଶିକ୍ଷା ଓ ସଚେତନତା ଧର୍ମୀ ଅନେକ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା।ଏହି ସାଂସ୍କୃତିକ ନୃତ୍ୟ ସବୁକୁ ଶ୍ରୀ ଚିତ୍ତ ରଞ୍ଜନ ଦଳପତି,ଶ୍ରୀ ଡମ୍ବରୁଧର ମହାଲିକ ଓ ଶ୍ରୀ କୋଦଣ୍ଡ ବିଚାରପତି ଭାବେ ମୂଲ୍ୟାୟନ କରିଥିଲେ। କାର୍ଯ୍ୟକ୍ରମଟିକୁ ସମସ୍ତ ୧୧ ଜଣ ସିଆରସିସି ପରିଚାଳନା କରିଥିବାବେଳେ ଗୋଷ୍ଠୀ ଶିକ୍ଷା କାର୍ଯ୍ୟାଳୟର ସମସ୍ତ କର୍ମଚାରୀ ଓ ବିଭିନ୍ନ ବିଦ୍ୟାଳୟରୁ ଆସିଥିବା ଶିକ୍ଷକ ଶିକ୍ଷୟିତ୍ରୀମାନେ ସହଯୋଗ ପ୍ରଦାନ କରିଥିଲେ I
