ବ୍ରହ୍ମପୁର,୧୯/୦୯(ଶ୍ରୀକାନ୍ତ କୁମାର ବେହେରା): ଅଗ୍ରଣୀ ସ୍ବେଚ୍ଛାସେବୀ ଅନୁଷ୍ଠାନ “ମାସ୍କୋ” ଓ “କାର୍ପ” ଦ୍ଵାରା ଶ୍ରୀଗଣେଶ ପୂଜା ଅବସରରେ ସ୍ଥାନୀୟ ଆଙ୍କୁଶପୁରଠାରେ ବୃକ୍ଷରୋପଣ କାର୍ଯକ୍ରମ କରାଯାଇଛି।ଏହି ଅବସରରେ ମାସ୍କୋର ସମ୍ପାଦକ ତଥା ସମାଜସେବୀ ଡାକ୍ତର ରାମକୃଷ୍ଣ ସାହୁ ମୁଖ୍ୟ ଅତିଥି ଭାବେ ଯୋଗଦେଇ କାର୍ଯକ୍ରମଟିକୁ ଶୁଭାରମ୍ଭ କରିଥିଲେ।ବିଶିଷ୍ଟ ଅତିଥି ଭାବେ ସମାଜସେବୀ ତଥା ବିଶିଷ୍ଟ ଲେଖକ ଶ୍ରୀଯୁକ୍ତ ତ୍ରିନାଥ ନାୟକ ଯୋଗଦେଇ “ମାସ୍କୋ” ଓ “କାର୍ପ”ର ଏଭଳି କାର୍ଯକ୍ରମକୁ ଉଚ୍ଚ ପ୍ରଶଂସା କରିଥିଲେ।ସମ୍ମାନିତ ଅତିଥି ରୂପେ ବ୍ରହ୍ମପୁର ବନପାଳ ଶ୍ରୀ ବାବୁ ସେଠୀ,ସମାଜସେବୀ ଶ୍ରୀ ସୁନିଲ କୁମାର ସାବତ,ସମାଜସେବୀ ଶ୍ରୀଯୁକ୍ତ ଅମୀୟ ମହାରଣା,ସମାଜସେବୀ ଶ୍ରୀ ନବଘନ ପରିଡ଼ା,ସ୍ଥାନୀୟ ସରପଞ୍ଚ ମୁରଲୀ ସେଠୀ,ଶ୍ରୀଯୁକ୍ତ ସୁରେଶ ଚନ୍ଦ୍ର ତ୍ରିପାଠୀ,ଶ୍ରୀଯୁକ୍ତ ସୁବ୍ରତ କୁମାର ନାୟକ,ଚାନ୍ଦିନୀ ସେଠୀ, ଗୀତା ନାୟକ ଏବଂ ଶ୍ରୀ ବୁନୁବାବୁ ପ୍ରମୁଖ ଉପସ୍ଥିତ ରହି ବୃକ୍ଷରୋପଣ କରିଥିଲେ।ପ୍ରକାଶ ଥାଉକି ସ୍ବେଚ୍ଛାସେବୀ ଅନୁଷ୍ଠାନ “ମାସ୍କୋ” ଓ “କାର୍ପ”ର କର୍ମକର୍ତ୍ତାମାନେ ପ୍ରତିବର୍ଷ ପରିବେଶ ସୁରକ୍ଷାପାଇଁ ପ୍ରାୟତଃ ପାଞ୍ଚଶହ ବୃକ୍ଷରୋପଣ କରିଥାନ୍ତି।
