ବ୍ରହ୍ମପୁର,୧୨/୯(ଶ୍ରୀକାନ୍ତ କୁମାର ବେହେରା): ଆଜି ଆସିକା ରୋଡ ତାଲୁକା ଠାରେ ହିନ୍ଦ ମଜଦୁର ସଭା ଜିଲ୍ଲା ଉପସଭାପତି ତଥା ମସିହାଖାଲି ପୂର୍ବତନ ସରପଞ୍ଚ ନରସିଂହ ସାହୁଙ୍କ ସଭାପତିତ୍ୱ ରେ ପୂର୍ବତନ ବାଚସ୍ପତି ୰ସୂର୍ଯ୍ୟ ନାରାୟଣ ପାତ୍ରଙ୍କ ସ୍ମୃତି ସଭା ଆୟୋଜନ ହୋଇଥିଲା । ବ୍ରହ୍ମପୁର ମହାନଗର ର ପୂର୍ବତନ ଉପନଗରପାଳ ନିରଞ୍ଜନ ଜେନା ୰ ପାତ୍ର ଛାତ୍ର ଜୀବନରୁ ରାଜନୀତି ଆରମ୍ଭ କରି ବ୍ରହ୍ମପୁର ସହରରୁ କାଉନସିଲର ଭାବେ ନିର୍ବାଚିତ ହୋଇ ମୋହନା, ଦିଗପହଣ୍ଡି ନିର୍ବାଚନ ମଣ୍ଡଳୀରୁ ୭ ଥର ବିଧାୟକ ଭାବେ ନିର୍ବାଚିତ ହୋଇ ବହୁବାର ମନ୍ତ୍ରୀ ଓ ବାଚସ୍ପତି ଭଳି ମର୍ଯ୍ୟାଦା ସମ୍ପନ୍ନ ପଦ ଅଳଙ୍କୃତ କରି ନିଷ୍ଠାର ସହ କାର୍ଯ୍ୟ ସମ୍ପାଦନ କରିଥିଲେ । ତାଙ୍କ ଭଳି ବିଚକ୍ଷଣ ରାଜନେତା ଆଜିର ଦିନରେ ବିରଳ ବୋଲି କହିଥିଲେ । ଏହି କାର୍ଯ୍ୟକ୍ରମ ରେ ହିନ୍ଦ ମଜଦୁର ସଭାର ଜିଲ୍ଲା ସଂଯଜକ ସତ୍ୟନାରାୟଣ ତ୍ରିପାଠୀ, ପ୍ରଫୁଲ୍ଲ ଜେନା, ସୁଶାନ୍ତ କର, ଏମ କାଶୀନାଥ, କୋମଳ ପାତ୍ର, ଶଙ୍କର ଗୌଡ଼, ରାଜେନ୍ଦ୍ର ଦାସ, ବିଟୁ ଦଳେଇ, ସେସଦେବ ପାଳ, ଅରୁଣ ନାହାକ ପ୍ରମୁଖ ସୂର୍ଯ୍ୟ ନାରାୟଣ ପାତ୍ରଙ୍କ ସ୍ମୃତି ଚାରଣ କରିବା ସହ ଅମର ଆତ୍ମାର ସଦଗତୀ ନିମନ୍ତେ ପ୍ରାର୍ଥନା କରିଥିଲେ ।
