ବୀରମହାରାଜପୁର -(ଶାନ୍ତନୁ କୁମାର କର୍ଣ୍ଣ): ସୁବର୍ଣ୍ଣପୁର ଜିଲ୍ଲା ବିରମହାରାଜପୁର ବ୍ଲକର ଡୁମୁରି ଗାଁର ଦୁଖିଶ୍ୟାମ ନାଏକଙ୍କ ଝିଅ ମମିତା ନାଏକଙ୍କ ମୃତ ଦେହ ତାଙ୍କ ହୋଷ୍ଟେଲର ବନ୍ଦ କୋଠରୀ ଭିତରୁ ଝୁଲନ୍ତା ଅବସ୍ଥାରେ ଉଦ୍ଧାର ହୋଇଥିବା ସୁଚନା ମିଳିଛି । ଏନେଇ ଆଇଆଇଟି କତୃପକ୍ଷ ଛାତ୍ରଙ୍କ ଘର ଲୋକଙ୍କୁ ଖବର ଦେଇଥିବାବେଳେ ଆଜି ପରିବାର ଲୋକ ସେଠାକୁ ଯାଇଛନ୍ତି । ତେବେ ଛାତ୍ରୀ ଜଣକଙ୍କ ମୃତ୍ୟୁର କାରଣ ସ୍ପଷ୍ଟ ଜଣା ପଡିନାହିଁ । ଏନେଇ ସାଙ୍ଗାରେଡ୍ଡି ପୋଲିସ ଘଟଣା ସ୍ଥଳକୁ ପହଂଚି ମୃତ ଦେହକୁ ଜବତ କରିବା ସହ ଅଧିକ ତଦନ୍ତ କରୁଥିବା ଜଣା ପଡିଛି । ତେବେ ଗତ ଜୁଲାଇ ୨୬ ତାରିଖ ଦିନ ମମିତା ଏମ ଟେକ୍ ପ୍ରଥମ ବର୍ଷରେ ନାମ ଲେଖାଇ ହଷ୍ଟେଲକୁ ଯାଇଥିଲେ । ମାତ୍ର ୧୦ ଦିନରେ ଛାତ୍ରୀ ଜଣକ କାହିଁକି ଆତ୍ମହତ୍ୟା କଲେ ତାହା ଜଣା ପଡି ନାହିଁ ।
