ଜୟପାଟଣା, ମୁଖୀ ଗୁଡ଼ା:୯/୭/୨୩ (ଅରୁଣ କୁମାର ସାହୁ): କଳାହାଣ୍ଡି ଜିଲ୍ଲା ଜୟପାଟଣା ଥାନା ଅନ୍ତର୍ଗତ ଅଁଳାଭଟ୍ଟା ଗ୍ରାମରେ ଥିବା ଡୁର୍କାଡଙ୍ଗରିରେ କାମ କରୁଥିବା ସମୟରେ ପଥର ଖସି ୨ଜଣଙ୍କର ମୃତ୍ୟୁ ହୋଇଥିବା ସୂଚନା ହସ୍ତଗତ ହୋଇଛି । ମୃତକ ମାନେ ହେଲେ ଅଂଲାଭଟ୍ଟା ଗ୍ରାମର ମୁକୁନ୍ଦ ପରାଭୋଇ(୫୫) ଓ ରାଜକୁମାରି ନାଏକ(୩୦) ବୋଲି ଜଣା ପଡ଼ିଛି । ସୂଚନା ଅନୁଯାୟୀ ଦୁହେଁ ଗାଁ ପାଖରେ ଥିବା ଡୁର୍କା ଡଙ୍ଗରିରେ ପଥର ଛେଚି ମେଟାଲ ପ୍ରସ୍ତୁତ କରି ନିଜ ପରିବାର ପ୍ରତିପୋଷଣ କରନ୍ତି। ସବୁଦିନ ଭଳି ରବିବାର ମଧ୍ୟ ସେମାନେ ଢୁର୍କା ଡଙ୍ଗରିକୁ ପଥର ମେଟାଲ କାମ କରିବାକୁ ଯାଇଥିଲେ । ବର୍ଷା ଯୋଗୁଁ ମାଟି ଆଦ୍ରତା ଥିବା ଯୋଗୁଁ ପଥର କାଢି ସେହି ଡ଼ଙ୍ଗରି କୋରଡ ଶତୃସ ଆକାର ହୋଇଥିଲା । ଏ ଦୁହେଁ ପ୍ରତ୍ୟେକ ଦିନ ପରି ଆଜି ମଧ୍ୟ ମେଟାଲ ତିଆରି ପାଇଁ ଡଙ୍ଗରିକୁ ଯାଇ କାମ କରୁଥିଲେ । ଦୁର୍ଭାଗ୍ୟ ବଶତଃ ବସିଥିବା ମୁକୁନ୍ଦ ଓ ରାଜକୁମାରି ଙ୍କ ଉପରେ ଏକ ବଡ଼ ପଥର ଖସି ପଡିଥିଲା । ଘଟଣା ସ୍ଥଳରେ ହିଁ ଦୁହିଁଙ୍କର ମୃତ୍ୟୁ ହୋଇଥିବା ଜଣା ପଡ଼ିଛି ।ଖବର ପାଇ ଜୟପାଟଣା ଥାନା ଅଧିକାରୀ ବାସୁଦେବ ଛତ୍ରୀଆ ଓ ଟିମ ସହ ଅଗ୍ନିଶମ ବିଭାଗର ଓଆଇସି ଗୁଲୁ ସାହୁ ଓ ତାଙ୍କ ଟିମ ପହଂଚି ମୃତ ଦେହକୁ ଉଦ୍ଧାର କରିବା ସହ ଜୟପାଟଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇଛନ୍ତି । ଆସନ୍ତା କାଲି ଶବ ବ୍ୟବଚ୍ଛେଦ ହେବ ବୋଲି ଜଣାପଡ଼ିଛି । ଅନ୍ୟପକ୍ଷରେ ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।
