ଖପ୍ରାଖୋଲ ୩୦/୦୫ ( ରୁପେନ୍ଦ୍ର ମୁଣ୍ଡା ) : ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଲକ ଲୁହାସିଂହା ଗ୍ରାମର ହିରାସାଗର ଜଗତ (୨୫) ନାମକ ଜଣେ ଶ୍ରମିକ ଆନ୍ଧ୍ରର କୋଇମ୍ବାଟୁରକୁ ଦାଦନ ଖଟି ଯାଇଥିଲେ । ହିରାସାଗରଙ୍କ ବାପା ଜଣେ ପକ୍ଷାଘାତ ରୋଗି ହୋଇଥିବା ବେଳେ ପରିବାର ପୋଷଣ ସହ ବାପା ଙ୍କ ଚିକିତ୍ସା ପାଇଁ ବାହାର ରାଜ୍ୟ କୁ ଦାଦନ ଖଟି ଯାଇଥିଲେ । ସେ ଟ୍ରେନ ରେ ଶନିବାର ଦିନ ଘରକୁ ଫେରୁଥିବା ବେଳେ ହାଇଦ୍ରାବାଦ ର ଭିମାପୁରମ ଠାରେ କୌଣସି କାରଣରୁ ଟ୍ରେନ ରୁ ଖସିପଡ଼ି ଥିଲେ ଫଳରେ ତାଙ୍କର ଘଟଣା ସ୍ଥଳରେ ମୃତ୍ୟୁ ହୋଇଥିବା ଜଣାପଡିଛି । ଏନେଇ ତାଙ୍କ ବଡବାପା ବୈରାଗି ଜଗତ ଖପ୍ରାଖୋଲ ତହସିଲଦାର ଙ୍କୁ ଲିଖ ଜଣାଇଥିଲେ । ଖପ୍ରାଖୋଲ ତହସିଲଦାର ଆଦିତ୍ୟ ପ୍ରସାଦ ମିଶ୍ର ରେଡକ୍ରସ ପାଣ୍ଠିରୁ ଶବ ଆଣିବା ଓ ସତ୍କାର କରିବା ପାଇଁ ୧୦ ହଜାର ଟଙ୍କା ଦେଇ ଥିବା ଜଣାପଡିଛି। ଏନେଇ ତହସିଲଦାର ଶ୍ରୀ ମିଶ୍ର ଙ୍କୁ ପଚାରିବାରୁ ଘଟଣା ବିଷୟରେ ସବିଶେଷ ସୂଚନା ପାଇ ଶବ ଆଣିବା ଓ ସତ୍କାର କରିବା ପାଇଁ ସହାୟତା ରାଶି ପ୍ରଦାନ କରାଯାଇଛି ବୋଲି ପ୍ରକାଶ କରିଥିଲେ। ରେଡକ୍ରସ ପାଣ୍ଠିରୁ ଶବ ଆଣିବା ଓ ସତ୍କାର ପାଇଁ ସହାୟତାର ହାତ ବଢ଼ାଇଲେ ତହସିଲଦାର ।
