ବ୍ରହ୍ମପୁର,୨୯/୦୧(ସୁନିଲ କୁମାର ବେହେରା): ବ୍ରହ୍ମପୁର ସହରରେ ଭାରତ ଯୋଡୋ ପଦ ଯାତ୍ରା ଶାନ୍ତିଶୃଙ୍ଖଳାର ସହିତ ସମ୍ପନ୍ନ ହୋଇଛି। ଭାରତ ଯୋଡୋ କାର୍ଯ୍ୟକ୍ରମର ଅଂଶବିଶେଷ ସ୍ୱରୂପ ପରିବର୍ତ୍ତନ ପଦ ଯାତ୍ରା ରେ ଗଞ୍ଜାମ ଜିଲ୍ଲା କଂଗ୍ରେସ ଆଜି ବ୍ରହ୍ମପୁର ସହରରେ ଦମ ଦେଖାଇଛି। ଏହି ପଦଯାତ୍ରା ରେ ଗଞ୍ଜାମ ଜିଲ୍ଲା ର ବିଭିନ୍ନ ଭାଗରୁ ହଜାର ହଜାର କର୍ମୀ ସାମିଲ ହୋଇଥିଲେ। ଫାଷ୍ଟଗେଟ୍ ରୁ ଅରମ୍ଭ ହୋଇ ଆମ୍ବପୁଆ ଛକ ରେ ଶେଷ ହୋଇଥିଲା। ଜାତି, ଧର୍ମ, ବର୍ଣ୍ଣ ଓ ଦଳ ନିର୍ବିଶେଷରେ ସମସ୍ତ ଙ୍କୁ ଏକାଠି କରିବା ଉଦ୍ଦେଶ୍ୟରେ ଏହି ପଦଯାତ୍ରା ଆରମ୍ଭ ହୋଇଛି ବୋଲି ପିସିସି ସଭାପତି ଶରତ ପଟ୍ଟନାୟକ କହିଥିଲେ। କେନ୍ଦ୍ର ଓ ରାଜ୍ୟ ସରକାରଙ୍କ ଉପରେ ଜନସାଧାରଣ ଙ୍କ ବିଶ୍ୱାସ ତୁଟି ଯାଇଛି। ୨୦୨୪ ସାଧରଣ ନିର୍ବାଚନ କଂଗ୍ରେସ ପାଇଁ ଶୁଭ ସଂକେତ ଦେଉଥିବା ୯ ରୁ ୯୦ ଆସନ ଆଣି ଦଳ ସରକାର ଗଢିବ ବୋଲି ଶ୍ରୀ ପଟ୍ଟନାୟକ କହିଥିଲେ। ଜିଲ୍ଲା କଂଗ୍ରେସ ସଭାପତି ରମେଶ ଚନ୍ଦ୍ର ଜେନାଙ୍କ ତତ୍ତ୍ଵାବଧାନରେ ଆୟୋଜିତ ପଦଯାତ୍ରା ରେ ରାଜ୍ୟ ମହିଳା ସଭାନେତ୍ରୀ ବନ୍ଦିତା ପରିଡା, ପୂର୍ବତନ ମନ୍ତ୍ରୀ ଯୁଧିଷ୍ଠିର ଜେନା, ହଳଧର କାର୍ଜି , ହଳଧର ସେଠି, ମୋହନା ବିଧାୟକ ଦାଶରଥି ଗମାଙ୍ଗ, ପୂର୍ବତନ ଜିଲ୍ଲା କଂଗ୍ରେସ ସଭାପତି ଡ଼.ତ୍ରିନାଥ ବେହେରା, ପୀତବାସ ପଣ୍ଡା, ଲିଙ୍ଗରାଜ ଚୌଧୁରୀ, ପ୍ରମୋଦ କୁମାର ଜେନା, ବୃନ୍ଦାବନ ଖଟେଇ, ଦିଗପହଣ୍ଡି ଏନ୍ ଏସି ଅଧ୍ୟକ୍ଷ ପ୍ରଫୁଲ୍ଲ ପଣ୍ଡା, ମହାନଗର ସଭାନେତ୍ରୀ ସୁବାସିନୀ ପଟ୍ଟନାୟକ ,ଗଞ୍ଜାମ ଜିଲ୍ଲା ଯୁବ ସଭାପତି ସନାତନ ସାହୁ , ପୁରୁଷୋତ୍ତମପୁର ନଗର ସଭାପତି ମନୋରଞ୍ଜନ ଦାସ୍ ଓ ଉପସଭାପତି ଶୁସାନ୍ତ କୁମାର ଗୌଡଙ୍କ ସମେତ ବହୁ ଦଳୀୟ କର୍ମୀ ଅଂଶ ଗ୍ରହଣ କରିଥିଲେ।
