ଖଲ୍ଲିକୋଟ,(ସୁଶୀଲ କୁମାର ଲେଙ୍କା): ଗତ କାଲି ବିଳମ୍ବିତ ରାତ୍ରରେ ସ୍ଥାନୀୟ ଅରବିନ୍ଦ ନଗର ରେ ଲକ୍ଷାଧିକ ଟଙ୍କା ର ସୁନା ଓ ରୁପା ଅଳଙ୍କାର ସହିତ କୋଡିଏ ହଜାର ଟଙ୍କା ଚୋରି ଯାଇଥିବା ଘଟଣା ସ୍ଥାନୀୟ ଲୋକଙ୍କ ମନରେ ଭୟ ସୃଷ୍ଟି କରିଛି।ଅରବିନ୍ଦ ନଗର ରେ ବସବାସ କରୁଥିବା ସୁରେନ୍ଦ୍ର ସାହୁ କୌଣସି ନିର୍ଦ୍ଦିଷ୍ଟ କାମରେ ଗତ ଦୁଇ ଦିନ ଧରି ବାହାର କୁ ଯାଇଥିବା ସୁଯୋଗ ନେଇ ଦୁର୍ବୁତ୍ତ ପ୍ରସ୍ତୁତ ହୋଇଥିଲେ ଚୋରି କରିବା ପାଇଁ ଓ ଘର ଭିତରକୁ ଯିବା ପୂର୍ବରୁ ପ୍ରଥମେ ଲୁହା ଗ୍ରୀଲ କୁ କୌଶଳ ର ସହିତ କାଟି କବାଟ ତାଲା ଭାଙ୍ଗି ଘର ଭିତରକୁ ପଶିଥିଲେ।ଘରେ କେହି ନ ଥିବାରୁ ଘରର ସମସ୍ତ ଅଲମୀରା ଓ ଡ୍ରେସିଂ ଟେବୁଲ ର କବାଟ ତାଲା ଭାଙ୍ଗି ପାଖାପାଖି ଦୁଇ ଲକ୍ଷ ପଚାଶ ହଜାର ଟଙ୍କା ର ସୁନା ଗହଣା ସହିତ କୋଡିଏ ହଜାର ଟଙ୍କା ନେଇ ଚମ୍ପଟ ମାରିଥିଲେ।
