କାଳୁପଡ଼ା ଘାଟ:-୦୪/୧୧(ବିନୁ ଦାସ୍):-କଟକ ଜିଲ୍ଲା କନ୍ଦର ପୁର ନିବାସୀ ଛଦ୍ମ ନାମ ଗୀତା ନାମକ ଏକ ଶତର ବର୍ଷୀୟା ନାବାଳିକା କୌଣସି କାରଣରୁ ଘର ଛାଡ଼ି ୦୮୫୩୩ କଟକ-ପଲାସା ପାସେଞ୍ଜର ଟ୍ରେନ ରେ ଆସୁଥିବା ବେଳେ ସେହି ନାବାଳିକା ର ଗତିବିଧି ଦେଖି କିଛି ଟ୍ରେନ ଯାତ୍ରୀ ସନ୍ଦେହ ପ୍ରକାଶ କରିଥିଲେ।ଏବଂ କିଛି ଯାତ୍ରୀ ସନ୍ଦେହ କରି ସମ୍ପୃକ୍ତା ନାବାଳିକା କୁ ଉଦ୍ଧାର କରି ଟ୍ରେନ ଯୋଗେ ସୁରକ୍ଷିତ ଭାବେ କାଳୁପଡ଼ା ଘାଟ ରେଳ ଷ୍ଟେସନକୁ ଆଣିଥିଲେ। ଆମ ପ୍ରତିନିଧି ତଥା ଜଣାଶୁଣା ଯୁବ ସାମ୍ବାଦିକ ବିନୁ ଦାସ୍ ଙ୍କର ସହଯୋଗ ଯାତ୍ରୀମାନେ ଫୋନ ଯୋଗେ ଟ୍ରେନ ରୁ ସାହାଯ୍ୟ ଲୋଡିଥିଲେ।
ଘଟଣା ସ୍ଥଳରେ ଆମ ପ୍ରତିନିଧି ବିନୁ ଦାସ୍ ଏବଂ ରେଳଯାତ୍ରୀ ମାନେ ପହଞ୍ଚି ସମ୍ପୃକ୍ତା ନାବାଳିକା କୁ ଉଦ୍ଧାର କରି କାଳୁପଡ଼ା ଘାଟ ରେଳ ଷ୍ଟେସନ ସୁପ୍ରିଟେଣ୍ଡେଣ୍ଟ ଦିବାକର ବିଶ୍ୱାଳଙ୍କର ଜିମାରେ ଦେବା ସହିତ ଷ୍ଟେସନ ସୁପ୍ରିଟେଣ୍ଡେଣ୍ଟ ଘଟଣା ସମ୍ପର୍କରେ ସମ୍ପୃକ୍ତା ନାବାଳିକାର ପରିବାର କୁ ଜଣାଇଥିଲେ।ରାତ୍ର ଦଶ ଘଟିକା ସମୟରେ ଉକ୍ତ ନାବାଳିକା କୁ ତାର ପରିବାର ଲୋକଙ୍କୁ ହସ୍ତାନ୍ତର କରିଥିଲେ ଷ୍ଟେସନ ସୁପ୍ରିଟେଣ୍ଡେଣ୍ଟ ଶ୍ରୀଯୁକ୍ତ ବିଶ୍ୱାଳ।ଘଟଣା ସ୍ଥଳରେ ଆମ ପ୍ରତିନିଧି ବିନୁ ଦାସ୍ ଉପସ୍ଥିତ ରହି ପରିବାର ଲୋକଙ୍କୁ ବୁଝାଇ ସମ୍ପୃକ୍ତା ନାବାଳିକା କୁ ହସ୍ତାନ୍ତର କରିଥିବା ବେଳେ ଏଭଳି ମହାନ କାର୍ଯ୍ୟ କୁ ଅଞ୍ଚଳ ବାସୀ ଷ୍ଟେସନ ଅଧିକ୍ଷକ ଦିବାକର ବିଶ୍ୱାଳ ଙ୍କୁ ସାଧୁବାଦ ଜଣାଇଛନ୍ତି।
