ଗୁଣପୁର,୦୯/୧୦(ସିଦ୍ଧାର୍ଥ ଦାସ): ଉତ୍କଳର ବରପୁତ୍ର ଗୋପବନ୍ଧୁ ଦାସଙ୍କ ପବିତ୍ର ଜନ୍ମ ଜୟନ୍ତୀକୁ ଆଜି ଏବିଭିପି ଗୁଣପୁର ଶାଖା ତରଫରୁ ପାଳନ କରାଯାଇଛି । ଏହି ଅବସରରେ ସ୍ଥାନୀୟ ଶତାୟୁ ଉଚ୍ଚ ବିଦ୍ୟାଳୟ ପରିସରରେ ଥିବା ଗୋପବନ୍ଧୁଙ୍କ ପ୍ରତିମୂର୍ତ୍ତି ରେ ପୁଷ୍ପମାଲ୍ୟ ଅର୍ପଣ ଓ ଦୀପ ପ୍ରଜ୍ଵଳନ କରି ଗୁଣପୁର ର ବିଦ୍ୟାର୍ଥୀ ପରିଷଦ ର କାର୍ଯ୍ୟକର୍ତ୍ତା ମାନେ ଶ୍ରଦ୍ଧା ସୁମନ ଅର୍ପଣ କରିଥିଲେ । ବିଦ୍ୟାର୍ଥୀ ପରିଷଦର ବିଭାଗ ପ୍ରମୁଖ ଶ୍ରୀ ଉମା ଶଙ୍କର ଦାଶ ଓ ବରିଷ୍ଠ କାର୍ଯ୍ୟକର୍ତ୍ତା ଶ୍ରୀ ପ୍ରଶାନ୍ତ ହୋତା ସ୍ମୃତି ଚାରଣ କରି ସମାଜ ପ୍ରତି ଗୋପବନ୍ଧୁଙ୍କ ଅବଦାନକୁ ସମସ୍ତେ ମନେ ରଖିବା ଉଚିତ ବୋଲି କହିଥିଲେ । ପରିଷଦର ନଗର ସଭାପତି ଶ୍ରୀ ପ୍ରଫୁଲ୍ଲ ଲିମା ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଆର୍ପଣ କରିଥିଲେ ଅନ୍ୟ ମାନଙ୍କ ମଧ୍ୟରେ ଏହି କାର୍ଯ୍ୟକ୍ରମରେ ବଂଶଧାରା କଲେଜ ସଭାପତି ଶ୍ରୀ ଲକ୍ଷ୍ମୀ ମହାଙ୍କୁଡ଼ , ମହର୍ଷି ଗୁରୁକୂଳ କଲେଜ ଚେୟାରମ୍ୟାନ ଶ୍ରୀ ସନ୍ତୋଷ ଗୁରୁ ଙ୍କ ସହ ଚିନ୍ମୟ ପାଣିଗ୍ରାହୀ , ବି ସତୀଶ କୁମାର , ବି କିରଣ କୁମାର , ଚିନା କେଶବା , ଚନ୍ଦ୍ର ପଣ୍ଡା , ବିଷ୍ଣୁ ପ୍ରସାଦ ଗୁରୁ ପ୍ରମୁଖ ଉପସ୍ଥିତ ରହି ଶ୍ରଦ୍ଧା ସୁମନ ଅର୍ପଣ କରିଥିଲେ ।
