କନ୍ଧମାଳ:(ସଞ୍ଜୟ କୁମାର ପାଣିଗ୍ରାହୀ):କନ୍ଧମାଳ ଜିଲାରେ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଥିବା ପୂର୍ବତନ କର୍ମଚାରୀ ନେତା, ଜିଲା ପାଣ ସମାଜ କଲ୍ୟାଣ କମିଟିର ପୂର୍ବତନ ସଭାପତି, ମିଳିତ ନାଗରିକ କମିଟିର ସଦସ୍ୟ ଓ ବିଶିଷ୍ଟ ସମାଜସେବୀ ବ୍ରହ୍ମାନନ୍ଦ ବେହେରା(୮୦) ବର୍ଷ ବୟସରେ ଫୁଲବାଣୀ ପୌର ପରିଷଦ ଅନ୍ତର୍ଗତ ଡ଼ାକପାଲା ସ୍ଥିତ ବାସଭବନରେ ପରଲୋକ ହୋଇଯାଇଛି। ତାଙ୍କ ବିୟୋଗ ଖବର ପ୍ରଚାର ପରେ ସମଗ୍ର ଜିଲାରେ ଶୋକରଛାୟା ଖେଳିଯାଇଛି। ଖବର ପାଇ ବହୁ ବିଶିଷ୍ଠ ବ୍ୟକ୍ତି ବିଶେଷ ତାଙ୍କର ଶେଷ ଦର୍ଶନ କରିବା ପାଇଁ ତାଙ୍କ ବାସଭବନରେ ପହଞ୍ଚିଥିଲେ।ତାଙ୍କ ବିୟୋଗରେ ବିଭିନ୍ନ ସଂଗଠନ, ବିଭିନ୍ନ ରାଜନୈତିକ ଦଳ, ଆଇନଜୀବି, ସାମ୍ବାଦିକ ଓ ବିଭିନ୍ନ ସଂଗଠନ, ନାରାୟଣୀ ଯାତ୍ରା ପରିଚାଳନା କମିଟି, ବହୁ ସରକାରୀ କର୍ମଚାରୀ ସଂଘ ପକ୍ଷରୁ ଗଭୀର ଶୋକ ପ୍ରକାଶ ପାଇଛି। ସେ ଜଣେ ଭଦ୍ର, ସରଳ, ମେଳାପି, ଆମାୟିକ ବ୍ୟକ୍ତି ଥିଲେ। ସ୍ୱର୍ଗତ ବେହେରା ସର୍ବଦା କର୍ମଚାରୀ ଓ ହରିଜନ ଜାତିର ନାର୍ଯ୍ୟଦାବି ପାଇଁ ଶେଷ ଜୀବନ ପର୍ଯ୍ୟନ୍ତ ଲଢେଇ ଜାରି ରଖିଥିଲେ। ଏକ ବିରାଟ ପଟୁଆରେ ନିଆ ଯାଇ ନିଜ ଗ୍ରାମ ସ୍ମଶାନ ରେ ତାଙ୍କର ଶେଷକୃତ୍ୟ ସମ୍ପନ୍ନ କରାଯାଇଥିଲ।
