ଟାଙ୍ଗୀ:-୨୨/୧୦(ବିନୁ ଦାସ୍): ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ଅନ୍ତର୍ଗତ ଚଣ୍ଡେଶ୍ୱର ରୁ ଦୀକ୍ଷିତ ପଡ଼ା ଛକ ମଧ୍ୟରେ କୌଣସି ସୂତ୍ରରୁ ଖବର ପାଇ ବାଲୁଗାଁ ଏସ୍ ଡିପିଓ ମାନସ ରଞ୍ଜନ ବାରିକ ଙ୍କର ଉପସ୍ଥିତରେ ଟାଙ୍ଗୀ ପୋଲିସର ଦୁଇଟି ଟିମ୍ ଏକ ଇଣ୍ଡିଗୋ କାର୍ ଓଆର୍ ୦୨ ବିକେ ୩୬୨୪ କୁ ଅଟକାଇ ଥିଲେ।ଏହି ସମୟରେ ଉକ୍ତ ଗାଡିରୁ ୩୧ କେଜି ଚାରିଶହ ଗ୍ରାମ ଜବତ କରିଛନ୍ତି।ଏହି ସମୟରେ ସ୍ଥାନୀୟ ଦୀକ୍ଷିତ ପଡ଼ା ଅଞ୍ଚଳର ଜଣେ ଯୁବକ ଶେକ୍ ମୁବାରକ୍ କୁ ପୋଲିସ ଗିରଫ କରିଥିବା ବେଳେ ଆଉ ଦୁଇଜଣ ଘଟଣା ସ୍ଥଳରୁ ଚମ୍ପଟ ମାରିଛନ୍ତି।ଏହି ଘଟଣା ରେ ଟାଙ୍ଗୀ ଥାନା କେଶ୍ ନମ୍ବର ୪୧୧/୨୧ ରେ ମାମଲା ରୁଜୁ କରି ଏନ୍ ଡ଼ିପିଏସ ଦଫାରେ ଗିରଫ କରି ଧାରା ୨୦ ବି୨ସି,୨୫,୨୭ ଏବଂ ୨୯ ଏନ୍ ଡ଼ିପିଏସ ଧାରାରେ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଛି।
ଶେକ୍ ମୁବାରକ୍ ନାମରେ ଆଗରୁ ଡକାୟତି ରାହଜନୀ ମାମଲାରେ ଫେରାର ଥିଲା।ଏହି ଗଞ୍ଜେଇ କନ୍ଧମାଳ ରୁ ଭାୟା ନୟାଗଡ଼ ହୋଇ ଦୀକ୍ଷିତ ପଡ଼ା ରେ ପହଞ୍ଚି ଟ୍ରେନ ଯୋଗେ (ଖୋର୍ଦ୍ଧା ରୋଡ଼) ଜଟଣୀ ରୁ ରାଜସ୍ଥାନ ଯିବାପାଇଁ ଜଟଣୀ ର ଜଣେ ବ୍ୟକ୍ତି ଏବଂ ବାଲେଶ୍ଵର ର ଜଣେ ବ୍ୟକ୍ତି ମଧ୍ୟ ରହିଥିଲେ ବୋଲି ବାଲୁଗାଁ ଏସ୍ ଡିପିଓ ମାନସ ରଞ୍ଜନ ବାରିକ ଏକ ପ୍ରେସ ଵାର୍ତା ଯୋଗେ ଗଣମାଧ୍ୟମ କୁ ସୂଚନା ଦେଇଛନ୍ତି।କହିଛନ୍ତି କି ଅନ୍ୟ ଅଭିଯୁକ୍ତ ମାନଙ୍କର କ୍ରାଇମ ରେକର୍ଡ ଖୋଜୁଛି ପୋଲିସ ତେଣୁ ସେମାନଙ୍କ ନାମ ଗୁପ୍ତ ରଖିଛି କିନ୍ତୁ ଖୁବଶୀଘ୍ର ଅଭିଯୁକ୍ତ ମାନଙ୍କୁ ଗିରଫ କରାଯିବ ବୋଲି କହିଛନ୍ତି।
