କାଳୁପଡ଼ା ଘାଟ, ୧୩/୦୯(ବିନୁ ଦାସ୍), ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ଅନ୍ତର୍ଗତ ଚଣ୍ଡେଶ୍ୱର ବଜାର ଅଞ୍ଚଳରେ ଦୀର୍ଘ ବର୍ଷ ବର୍ଷ ଧରି ଚୋରାମଦ ବିକ୍ରି ହେଉଥିଲା।କୌଣସି ସୂତ୍ରରୁ ଖବର ପାଇ ଘଟଣା ସ୍ଥଳରେ ଟାଙ୍ଗୀ ପୋଲିସ ପକ୍ଷରୁ ଅଚାନକ ଚଢ଼ାଉ କରି ବିପୁଳ ପରିମାଣର ଦେଶୀ ଏବଂ ବିଦେଶୀ ମଦ ଜବତ କରିଛି।ଘଟଣା ସ୍ଥଳକୁ ବାଲୁଗାଁ ଏସ୍ ଡିପିଓ ମାନସ ରଞ୍ଜନ ବାରିକଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଟାଙ୍ଗୀ ଥାନାଧିକାରୀ ବିଜୟ ମଲ୍ଲିକ ଏବଂ ପୋଲିସ ବାହିନୀ ର ମିଳିତ ଚଢ଼ାଉ ଫଳରେ କୁସୁମୀ ଗ୍ରାମର ପ୍ରସନ୍ନ ସାମନ୍ତ ଶ୍ରଦ୍ଧା ନାମ ପଶିଆ କୁ ଗିରଫ କରି ୩୨୨/୨୧ ରେ ଏକ ମାମଲା ରୁଜୁକରି ଗିରଫ କରିଛି ଟାଙ୍ଗୀ ପୋଲିସ।
ଗିରଫ ପ୍ରସନ୍ନ ଠାରୁ ୧୦୮ ବୋତଲ ବିଦେଶୀ ମଦ,ଆସ୍କା ଫର୍ଟି ଦେଶୀ ୪୨ ବୋତଲ ମଦ ଜବତ ହୋଇଥିବା ବେଳେ ନଗଦ ତିନି ହଜାର ଟଙ୍କା ମଧ୍ୟ ଜବତ ହେବାର ସୂଚନା ମିଳିଛି।ଦୀର୍ଘ ଦିନ ଧରି ଅଭିଯୋଗ ହେଉଥିଲେବି ଆଜିର ପୋଲିସ ପକ୍ଷରୁ ଚଢ଼ାଉ କୁ ସ୍ଥାନୀୟ ଜନସାଧାରଣ ଟାଙ୍ଗୀ ଥାନାଧିକାରୀ ଙ୍କର ପଦକ୍ଷେପ କୁ ପ୍ରଶଂସା କରିଛନ୍ତି।ଅପର ପକ୍ଷରେ ଟାଙ୍ଗୀ ଥାନାଧିକାରୀ କହିଛନ୍ତି କି ଆଗକୁ ପାର୍ବଣ ଋତୁ ଆସୁଥିବାରୁ ନିଶା ମାଫିଆ ଙ୍କର ଏକ ବ୍ଲୁ ପ୍ରିଣ୍ଟ ପ୍ରସ୍ତୁତ ହୋଇଛି।ଖୁବଶୀଘ୍ର ବିଭିନ୍ନ ସ୍ଥାନରେ ଚଢ଼ାଉ କରାଯିବାର ସୂଚନା ଦେଇଛନ୍ତି।
