ବାଣପୁର,୨୯।୦୫, ପାଣିରେ ବୁଡି ନା-ବାଳକର ମୃତ ହୋଇଛି। ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଖୋର୍ଦ୍ଧା ଜିଲ୍ଲା ବାଣପୁର ଥାନା ଅନ୍ତର୍ଗତ ନୀଳାଦ୍ରି ପ୍ରସାଦ ପଞ୍ଚାୟତ ଖଡ଼ିଆ ପଲ୍ଲୀ ଗ୍ରାମରେ। ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ଅନ୍ତର୍ଗତ ଖଣ୍ଡିଆ ନାଳ ଗାଁ ର ସହଦେବ ସବାରଙ୍କ ପୁଅ ପ୍ରଦୀପ ଶବର । ପ୍ରଦୀପ ପ୍ରାୟ ଏକ ସପ୍ତାହ ପୂର୍ବରୁ ନିଜ ସମ୍ପର୍କୀୟ ମାଉସୀ ଘର (ନୀଳାଦ୍ରି ପ୍ରସାଦ ଗାଁ) କୁ ଆସିଥିଲେ। ଗାଁ ର କିଛି ପିଲାମାନଙ୍କ ସହ ମିଶି ପ୍ରଦୀପ ନୀଳାଦ୍ରି ପ୍ରସାଦ ଅଞ୍ଚଳର ନେହୁର ଡ୍ୟାମ କୁ ଗାଧେଇବାକୁ ଯାଇଥିଲେ । ଗାଧେଇବା ସମୟରେ କୌଣସି କାରଣ ବଶତଃ ପ୍ରଦୀପ ପାଣିରେ ବୁଡି ଯାଇଥିବା ଥିଲେ। ଗାଧେଇବା ବେଳେ ପ୍ରଦୀପ ବୁଡି ଯିବାର ଦେଖି କିଛି ପିଲା ବାଣପୁର ଅଗ୍ନିଶମ ବାହିନୀ କୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ଅଗ୍ନିଶମ ବିଭାଗ ପହଞ୍ଚି ପ୍ରଦୀପ କୁ ଉଦ୍ଧାର କରି ବାଣପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ନେଇଥିଲେ। ଡାକ୍ତର ସେଠାରେ ପ୍ରଦୀପଙ୍କୁ ମୃତ ଘୋଷଣା କରିଛନ୍ତି। ଏହାକୁ ନେଇ ନୀଳାଦ୍ରି ପ୍ରସାଦ ଅଞ୍ଚଳରେ ଶୋକର ଛାୟା ଖେଳିଯାଇଛି।
