କାଳୁପଡ଼ା ଘାଟ,ବିନୁ ଦାସ୍ :-ଖୋର୍ଦ୍ଧା ଜିଲ୍ଲା ଜାତୀୟ ରାଜପଥ ୧୬ ବ୍ରହ୍ମପୁର ରୁ ଭୁବନେଶ୍ୱର ଅଭିମୁଖେ ଯାଉଥିବା ସମୟରେ ବଡ଼ପୋଖରିଆ ଛକ ନିକଟରେ ଓଡ଼ି ୩୨ଇ ୮୮୭୧ ନମ୍ବର ବିଶିଷ୍ଟ ସ୍କୁଟିକୁ ଏକ ଅଜଣା ଗାଡ଼ି ଧକ୍କା ଦେଇ ଚାଲିଯାଇଥିଲା।ଘଟଣା ସ୍ଥଳରେ ଜଣେ ଯୁବତୀଙ୍କ ମୃତ୍ୟୁ ହୋଇଥିବା ବେଳେ ଗୁରୁତର ଆହତ ଯୁବକଙ୍କୁ ଖୋର୍ଦ୍ଧା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।ପ୍ରାପ୍ତ ସୂଚନା ମୁତାବକ ଗଞ୍ଜାମ ଜିଲ୍ଲାର ହିଂଜିଲିକାଟୁ କଁଚୁଡୁ ନିବାସୀ ଜୟ ପାଢ଼ୀଙ୍କର ପୁତ୍ର ରବୀନ୍ଦ୍ର ପାଢ଼ୀ ଏବଂ ଜୟ ପାଢ଼ୀଙ୍କର ଭାଣଜି ମୃତକ ସାଗରିକା ପାଢ଼ୀ ଭୁବନେଶ୍ୱର ଅଭିମୁଖେ ଯାଉଥିବା ସମୟରେ ବଡ଼ପୋଖରିଆ ଛକ ନିକଟରେ ଦୁର୍ଘଟଣା ର ଶିକାର ହୋଇଥିଲେ।ଘଟଣା ସ୍ଥଳରେ ଜାତୀୟ ରାଜପଥ ପେଟ୍ରୋଲିଂ ଭ୍ୟାନ ର ପୋଲିସ ବାହିନୀ ମୃତକ ଯୁବତୀଙ୍କୁ ଉଦ୍ଧାର କରିଥିବାବେଳେ ଗୁରୁତର ଆହତ ରବୀନ୍ଦ୍ର ପାଢ଼ୀ ଙ୍କୁ ଖୋର୍ଦ୍ଧା ଡାକ୍ତରଖାନାରେ ଭର୍ତ୍ତି କରିଥିଲେ।ରବୀନ୍ଦ୍ର ଗୁରୁତର ଅବସ୍ଥାରେ ଅଛନ୍ତି ତାଙ୍କ ମୁଣ୍ଡରେ ଗଭୀର କ୍ଷତ ହେବା ସହ ସଙ୍କଟାପନ୍ନ ଅବସ୍ଥାରେ ଅଛନ୍ତି। ମୃତକ ଯୁବତୀ ସାଗରିକା କୁକୁଡ଼ା ଖଣ୍ଡୀ ମହାବିଦ୍ୟାଳୟରେ ଯୁକ୍ତ ଦୁଇ ନିଜ ମାମୁ ଘରେ ରହି ପଢୁଥିଲେ, ଏଭଳି ଦୁଃଖଦ ଖବର ପାଇବା ପରେ ସ୍ଥାନୀୟ ଅଞ୍ଚଳରେ ଶୋକକୁଳ ପରିବେଶ ସୃଷ୍ଟି ହେବାସହ ପରିବାର ଲୋକେ ଖୋର୍ଦ୍ଧା ଡାକ୍ତରଖାନା ଅଭିମୁଖେ ବାହାରିଛନ୍ତି ସୁଚନା ମିଳିଛି ।
