ବୁଗୁଡ଼ା,୧୨/୦୨(ବୁଦ୍ଧିରାମ ସାହୁ) :ଗଞ୍ଜାମ ବ୍ଲକ ବୁଗୁଡ଼ା ବ୍ଲକର ନୂତନ ଗୋଷ୍ଠୀ ଶିକ୍ଷାଧିକାରୀ ଭାବେ ପ୍ରସନ୍ନ କୁମାର ବେହେରା ଶୁକ୍ରବାର ଦିନ ତାଙ୍କ କାର୍ଯ୍ୟାଳୟରେ ଯୋଗଦାନ କରିଛନ୍ତି । ଗତ ଜାନୁୟାରୀ ୩୧ ତାରିଖରେ ଗୋଷ୍ଠୀ ଶିକ୍ଷାଧିକାରୀ ନୀଳମାଧବ ଷଡଙ୍ଗୀଙ୍କ ଅବସର ଗ୍ରହଣ ପରେ ଏହି ପଦବୀଟି ଖାଲି ପଡିଥିଲା । ଆଜି ନୂତନ ଗୋଷ୍ଠୀ ଶିକ୍ଷାଧିକାରୀଙ୍କ ଦାୟିତ୍ବ ଗ୍ରହଣ ପରେ ଏବିଇଓ ପ୍ରମୋଦ ଚନ୍ଦ୍ର ସେନାପତି ଓ ପିତାମ୍ବର ବିଷୋୟୀଙ୍କ ସମେତ ଅନ୍ୟାନ୍ୟ କର୍ମଚାରୀମାନେ ପୁଷ୍ପଗୁଚ୍ଛ ଦେଇ ସ୍ବାଗତ କରିଥିଲେ । ଏଥିସହ ବ୍ଲକ ପ୍ରାଥମିକ ଶିକ୍ଷକ ସଙ୍ଘ ତରଫରୁ ସଭାପତି ମନୋରଞ୍ଜନ ଦାଶ , ଏନପିଏସ୍ ଶିକ୍ଷକ ସଂଘ ପକ୍ଷରୁ ସୁରେନ୍ଦ୍ର ନାଥ ଜେନା ଏବଂ ସଂଘ କର୍ମକର୍ତ୍ତାମାନେ ନୂତନ ବିଇଓଙ୍କୁ ସ୍ବାଗତ ସମ୍ବର୍ଦ୍ଧନା ଜ୍ଞାପନ କରିଥିଲେ । ପ୍ରସନ୍ନ କୁମାର ବେହେରା ବୁଗୁଡ଼ା ବିଇଓ ଦାୟିତ୍ବ ସହ ବେଲଗୁଣ୍ଠା ବିଇଓ ଭାବେ ଦୈତ୍ୟ କାର୍ଯ୍ୟ ତୁଲାଇବେ ବୋଲି ଜଣାପଡିଛି ।
