ଭୁବନେଶ୍ୱର,୧୭।୦୮: ଆଜି ଘୋଷଣା ହେବ ଯୁକ୍ତ ଦୁଇ ବାଣିଜ୍ୟ ରେଜଲ୍ଟ ତାରିଖ। ଅପରାହ୍ନରେ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ଗଣମାଧ୍ୟମକୁ ଏନେଇ ସୂଚନା ଦେବେ। ଦିନ ୩ ଟା ୩୦ରେ ଉଚ୍ଚ ମାଧ୍ୟମିକ ଶିକ୍ଷା ପରିଷଦର ଅଧିକାରୀ ଓ ବିଭାଗୀୟ ଅଧିକାରୀଙ୍କ ସହ ଏକ ଉଚ୍ଚସ୍ତରୀୟ ବୈଠକ କରିବେ ଗଣଶିକ୍ଷା ମନ୍ତ୍ରୀ। ଏହି ବୈଠକରେ ହିଁ ଯୁକ୍ତ ଦୁଇ ବାଣିଜ୍ୟ ରେଜଲ୍ଟ ପ୍ରକାଶନର ତାରିଖ ସ୍ଥିର କରାଯିବ। ବିଶ୍ଵସ୍ତ ସୂତ୍ରରୁ ମିଳିଥିବା ଖବର ଅନୁଯାୟୀ ଅଗଷ୍ଟ ୧୯ କିମ୍ବା ୨୦ ତାରିଖରେ ପ୍ରକାଶ ପାଇପାରେ ବାଣିଜ୍ୟ ରେଜଲ୍ଟ। ଚଳିତବର୍ଷ ୨୫ ହଜାରରୁ ଅଧିକ ଛାତ୍ର ଛାତ୍ରୀ ବାଣିଜ୍ୟରେ ପରୀକ୍ଷା ଦେଇଛନ୍ତି। ଗତ ୧୨ ତାରିଖରେ ବିଜ୍ଞାନ ରେଜଲ୍ଟ ପ୍ରକାଶ ପାଇଛି। ଅମ୍ପାନ ବାତ୍ୟା ଓ କରୋନା ପାଇଁ ପରୀକ୍ଷା ଓ ମୂଲ୍ୟାୟନ ବାଧାପ୍ରାପ୍ତ ହୋଇଥିଲେ ବି ମନ୍ତ୍ରୀ ଦେଇଥିବା ଡେଟ୍ ଲାଇନ୍ ଭିତରେ ପ୍ରକାଶ ପାଇଛି ପରୀକ୍ଷା ଫଳ। ଯାହାକୁ ନେଇ ସବୁ ମହଲରୁ ପ୍ରଶଂସା କରାଯାଇଛି।
